Ниҳоят, жуда узоқ кутилган Mi Band 4 тақдим этилди!
Бугун Xiaomi компанияси ўзининг янги қурилмаларини, шу қаторда Mi Band 4 фитнес-билагузугини ҳам кўрсатди. Тўртинчи авлод смарт-трекери эски моделлардан экрани бўйича анча фарқ қилади – аниқлиги 240х120 бўлган деярли 1 дюмли AMOLED дисплей. Экран ўлчами 40 фоизга катталашган ва энди 21 тага кўпроқ сўз сиғиши мумкин. Диспле шунингдек 2.5D ойна билан қопланган.
Рангли экран Mi Band 4 учун янги имкониятлар тақдим қилди. Яъни, кўриниш ва рангли мавзуларни бемалол ўзгартириш мумкин.
Янги прошивка анча яхшиланган: энди смарт-билагузукда нафақат об-ҳавони, балки, валютлар курси, кинопремьералар рўйхати ва бошқаларни кузатиш мумкин. Шунингдек, овозли ёрдамчи ва свайплар билан ишлаш функцияси мавжуд.
Mi Band 4 аввалгидек ЧСС оптик датчиги билан чиҳозланган. Агар юрак уриши тезлашса сиферблат вибрация орқали бу ҳақда маълум қилади. Акселометр эса янгиланган – энди у олтита режимдан иборат – сузиш, кўчада югуриш, залда югуриш, велосипедда учиш ва бошқалар.
Қурилма аввалгидек сувдан ҳимояланган ва 50 метр чуқурликдаги босимгача чидай олади.
Линейкада NFC мавжуд бўлган версия ҳам мавжуд. У орқали транспорт тўловларини амалга ошириш ва ақлли техникаларни бошқариш мумкин.
Батарая сиғими 135 мА/соатгача катталашган. Умуман олганда, расмий маълумотларга кўра қурилма 20 кунгача ишлай олиши мумкин. NFC мавжуд талқин эса 15 кун.
Энг арзон талқиндаги Mi Band 4 – 25 доллардан сотила бошлайди, NFC мавжуд бўлган талқиндагиси – 33 доллар, Mi Band 4 Avengers Alliance эса – 50 долларга баҳоланган. Хитойда савдолар 14 июндан бошланиши кўзда тутилган.
ЎҚИНГ: Xiaomi Apple Watch’дан беш карра арзон, битта қувват билан 20 кун ишловчи смарт-соатини тақдим этди!