Ниҳоят, Mi 9 тақдимот куни расман эълон қилинди – Xiaomi уни «жанговар фаришта» деяпти!
Samsung компанияси ўзининг Galaxy S10 туркумидаги флагманини ҳамда Galaxy F буклама смартфонини 20 февралда тақдим этишидан хабарингиз бор. Vivo ҳам рақобатдан чўчимай, навбатдаги смартфонини айнан 20 февраль санасида намойиш қилмоқчи.
Энди эса улар сафига Xiaomi ҳам қўшилди – у бугун чиқарган расмий тизерга кўра, Mi 9 флагмани ҳам айни шу куни намойиш қилинади!
Weibo ижтимоий тармоғида эълон қилинган ушбу тизерда қўшимча маълумот ҳам бор: Xiaomi унда ўзининг навбатдаги флагманини «жанговар фаришта» дея тавсифлаган. Бу эса Mi 9 моделининг иккита муҳим хусусиятини акс эттиради: юқори даражадаги самарадорлик ва нафис дизайн.
Mi 9 флагманининг турли хусусиятлари ҳақида кўпгина маълумотлар эълон қилганмиз. Аллақачон глобал бозорга чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан сотиб олиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Қарши олинг: Terashop.uz’да «Баҳорий кайфият» акцияси!