Ниҳоят, узоқ кутилган Xiaomi CC туркумидаги илк учта смартфон тақдим қилинди!
Xiaomi СС линейкаси доирасидаги илк смартфонларини намойиш этди. Ушбу серия ўз ичига – СС9, СС9е ва СС9 Meitu Custom Edition моделларини мужассамлаштирган.
CC9 модели 6,39 дюмли Full HD+ аниқлигидаги AMOLED-дисплей, Qualcomm Snapdragon 710 процессорига эга бўлган. CC9e’га эса 6,08 дюмли HD+ аниқлигидаги AMOLED-дисплей ва аввал тахмин қилганимиздек, яп-янги Snapdragon 665 процессори ўрнатилган.
Иккала смартфонга ҳам учталик асосий камера, 32 МПлик селфи-камера, экран ости бармоқ изи сканери ва 4030 мА/соатлик аккумулятор ўрнатилган.
Турли вариантларда ушбу гаджетлар 4/6 ГБ ва 64/128 ГБ хотирага эга бўлади. Смартфонлар оқ, кўк ва қора рангларда ишлаб чиқарилади.
CC9 Meitu Custom Edition эса оддий СС9 моделидан 8 гигабайтлик оператив ва 256 гигабайт доимий хотираси ҳамда марварид ранги билан ажралиб туради.
Ҳозирча янги қурилмаларни фақатгина Хитойда буюртма қилиш имконияти мавжуд. Нархларга келадиган бўлсак, CC9 4/64 ГБ - 262,83 доллар, CC9e 4/64 GB - 189,78 доллар ҳамда CC9 Meitu Custom Edition 8/256 ГБ - 379,71 доллардан сотувга чиқарилади. Смартфонлар ҳақида батафсил тўлиқ тавсифимизда янада яқинроқ танишиб чиқамиз. Бизни кузатишда давом этинг!
ЎҚИНГ: Xiaomi раҳбари CC9, CC9 Meitu Edition ҳамда CC9e смартфонларининг ўзаро фарқларини айтди