Nike ва Apple’дан инновацион “смарт-воч”ни қарши олинг
Apple ва Nike компаниялари ҳамкорликда Apple Watch “ақлли соат” коллекциясини янги Apple Watch NikeLab номли оқ-қора рангли тасвир намойиш қилувчи модел билан тўлдиришди. Қурилма чекланган тиражда оқ-қора услубда, NikeLab Innovation x Innovators логотипи туширилган дизайнда тайёрланади.
Apple Watch NikeLab – югуриш ва жисмоний машқни яхши кўрадиганлар учун ноёб ҳамроҳ. Ундан профессионал ва ҳаваскор спортчилар ҳам фойдаланишлари мумкин. NikeLab — ҳамкорликда ишлаб чиқарилган янги инновацион платформанинг номи.
Nike + Run Club иловасини қўллаб-қувватлайдиган соатдан Siri’га эксклюзив овозли топшириқлар ҳам бериш мумкин. Унда GPS навигация тизими, ёрқин дисплей ҳамда сув ўтказмайдиган корпус мавжуд. Соат 50 метр чуқурликдаги сувли шароитда ҳам ишлай олади. Смарт-вочга 2 ядроли S2 процессори ва watchOS 3 операцион тизими ўрнатилган.
Смарт-соат “космик-кулранг”, яъни “Олма” смартфонлари фойдаланувчилари ўртасида оммалашган рангдаги корпус талқинида ишлаб чиқарилади. Банд ранги — оқ-қора. Смарт-соатнинг орқа томонига Nike рамзи туширилган.
Янги соатни 27 апрелдан Nike.com сайтида, шунингдек NikeLab ва Apple фирма дўконларида харид қилиш мумкин бўлади. 38 мм.ли модел $370, 42 мм.ли талқин — $400 доллардан сотувга чиқарилади.