Nintendo’нинг янги ўйини App Store ва Google Play’да жаҳон рекордини янгилади!
Бир неча кун аввал Nintendo компанияси iOS ҳамда Android учун янги – Mario Kart Tour ўйинини намойиш қилганди. Бу – Super Mario франшизасининг қаҳрамонлари иштирокидаги аркада пойгалари форматидаги ўйиндир.
ЎҚИНГ: Энди афсонавий Super Mario'ни браузернинг ўзида ўйнаш мумкин!
Sensor Tower таҳлил компаниясининг хабар беришича, Mario Kart Tour иловалар каталогларига жойлаштирилгач, бир суткадаёқ уни 20 миллион мартадан ошиқ юклаб олишган! Бу билан у 24 соатдаёқ ўз яратувчиларига бир миллион доллар даромад келтирган.
Мазкур кўрсаткич бутун мобил ўйин индустриясининг тарихида мутлақ рекорд ҳисобланади. Унга ҳатто ўз даврида катта шов-шувларга сабаб бўлган Super Mario Run ҳам яқин кела олмайди!
ЎҚИНГ: Энг муваффақиятли мобил ўйин шу кунгача ярим миллиард доллар даромад келтирган
Таққослаш учун, тарихдаги энг оммабоп ўйинларнинг дастлабки кунда кўчириб олиш кўрсаткичларини келтирамиз:
Pokemon Go – 6,7 миллион;
Super Mario Run – 7 миллион;
Clash Royale – 1,5 миллион.
Қизиғи – Mario Kurt Tour бепул тарқатиляпти, лекин илованинг ичида харидлар, шунингдек, ойлик обуна ҳам мавжуд. Обуна учун ҳам фақат икки ҳафтадан кейин тўлаш керак бўлади, унгача барча геймерларга бепул синов муддати тақдим этилади.
ЎҚИНГ: Энг муваффақиятли ўйиннинг учинчи мавсуми 1 октябрда чиқади! (+2та видео)
