Nokia – 3310 Финляндия миллий смайлиги

Финляндия дунёда биринчи бўлиб миллий Emoji смайликлари тўпламини чиқармоқда. Бу смайликларда финларнинг ифтихорлари, феъл-табиати акс этади. Бу Emojiларнинг биринчиси дунёга машҳур Nokia 3310 телефонидир. Яқиндагина мобиль телефонлар бозорида энг илғори бўлган Nokia фин компанияси ҳозир ҳам мамлакатдаги технологик гигантлардан бири саналади, Nokia 3310 эса уларнинг салкам рамзига айланиб улгурди.

Мамлакатга боғлиқ Emoji смайлиги янги йил тақвими форматида кўриниш беради, у фин анъаналарига монанд тарзда ишланган. Тақвим Emoji билан 30 стикерни ўз ичига олган, ҳозирча 3таси оммага кўрсатилди. Бу фин ҳаммоми, пишиқ ва синмайдиган Nokia 3310 ҳамда хеви-метал ишқибози.

Ҳар бир смайликнинг қисқача таърифи келтирилган. Масалан, Nokia 3310 синмайдиган ва  ҳамиша бозори чаққон телефонлардан бири, дея таърифланган. Ушбу телефоннинг ватани Финляндия бўлиб, ҳақиқатан ҳам, пишиқ-пухта ишланганлиги билан ажралиб туради.

Финляндиянинг миллий Emojiлари акс этган тақвим 13 тилда нашр этилади, булар япон, араб, корейс, ҳинд, поляк, турк ва бошқа тиллардир. Тақвим 1 декабрдан бошлаб xmas.finland.fi сайти ва ижтимоий тармоқда thisisFINLAND аккаунтига чиқади.