Nokia 6 кутилганидан арзон нархда сотувга чиқмоқда

Nokia компанияси 2017 йилнинг бошида Nokia 6 Android смартфонини тақдим қилган эди. “Ақлли телефон” 5.5 дюймли, Full HD сиғимли, 2.5D Gorilla Glass ҳимоя ва безак шишаси билан қопланган экранга эга.

Унга Qualcomm’нинг 8 ядроли Snapdragon 430 процессори, 4 гигабайтли тезкор ва 64 гигабайтли доимий хотира, microSD хотира бўлмачаси ўрнатилган. Смартфон Android Nougat операцион тизими бошқарувида ишлайди.

Nokia 6 алоқанинг бир қатор, жумладан 4G LTE тармоғини ҳам қўллаб-қувватлайди. Унга Dolby Atmos овоз узатиш технологияси жорий қилинган. Смартфон сиғими 3000 мА соат бўлган аккумулятордан қувват олади, телефон бармоқ излари сканерига эга.

Бош камера учун 16 мегапикселли сенсор танланган. Ундаги пикселлар миқдори камроқ — 1 микрон, апертура ҳажми эса f/2.0. Бош камреа 1080p сиғимли видеолар ёзилади. Олд камера учун 8 мегапикселли сенсор танланган. Қуйида Nokia 6 камераси олган суратлардан намуналарни эътиборингизга ҳавола қиламиз.

Тасдиқланмаган маълумотларда Nokia 6’нинг Хитойда июнь ойидан $250 АҚШ долларидан сотилиши маълум қилинган эди. 13 июнда тарқатилган хабарларда айтилишича, смартфон халқаро смартфон бозорига ҳам сотувга чиқарилади. Жумладан, гаджет биринчилардан бўлиб Ҳиндистонда 230 АҚШ долларидан сотила бошлайди. Бу тўғрида бугун —  13 июнда Ҳиндистонда ўтказилган Nokia смартфонлари тақдимотида маълум қилинган.