Nokia 7.1: катта экранли лекин арзон
Nokia брендининг смартфонлар линейкаси шундоғам кичкина эмас, шунга қарамай компания янги моделлар қаторини кенгайтиришдан тўхтамаяпти. Мана энди компаниянинг маҳсулотлар ассортименти яна бир смартфон – Nokia 7.1 моделига бойиди. Янги аппарат ўртача нархдаги смартфонлар тоифасига мансуб.
Смартфон 5,84-дюймли PureDisplay дисплейи билан таъминланган бўлиб, формати Full HD+. Экран HDR10 стандартида ишлайди. Дисплей автоматик тарзда ёруғликни ва ёруғлик шароитида контрастни ўзи тўғрилайди. Экраннинг юқори қисмида “тирқиш” бор. Орқасида шишали қопқоқ ва камера модули билан бармоқ излари сканери жойлашган.
мартфон камераси иккиталик ва Carl Zeiss оптикаси билан, унинг формати — 12+ 5 Мп. Иккинчи модул фотографияларда орқа томонни дастурий белгилаш учун фойдаланилади, оптик зум унда йўқ.
ЎҚИНГ:Nokia 9 PureView флагманининг беш модулли камераси мисли кўрилмаган функцияларга бой
Nokia 7.1нинг ишлашини ўрта даражадаги Snapdragon 636 процессори таъминлайди. Унинг тезкор хотираси 3 ГБ, ички хотира фақат 32 ГБ. Смартфон Android асосида ишлайди ва биринчилардан бўлиб 9.0 Pie’гача янгиланади. Nokia уни Google билан ҳамкорликда Android One дастури доирасида ишлаб чиқмоқда, шу боис смартфон бошқа рақобатчиларига қараганда тезроқ янгиланиш олади.
Nokia 7.1 смартфони октябр ойида сотувга чиқиши керак.
Компания ушбу смартфон билан бирга ўзининг илк тўлиқ симсиз қулоқчинларини ҳам намойиш қилди. True Wireless Earbuds деб номланган қулоқчинлар бир марта қувват олгач 3,5 соат ишлаб беради ва мустақил ишлашини 14 соатга чўзадиган кейс ҳам бор. Шунингдек, кейс кичкина трубкачага ўхшаган ноодатий шаклга эга. Бундай шакл уни олиб юриш учун жуда қулайдир. Яна бир стандарт шаклдаги симсиз қулоқчин Pro Wireless Earphones ҳам харидорларга маъқул келиши тайин. Чунки ушбу қурилма ҳам бир қатор техник янгиланишларни бошдан кечирган. Қулоқчиннинг ўзида магнит датчиклар мавжуд бўлиб, зарур бўлганда мусиқани поузага қўйиб, бошқа юмишлар билан банд бўлишингиз мумкин.
