Nokia 8: “смартфонлар кушандаси” ёзда сотувга чиқади

Nokia 8: “смартфонлар кушандаси” ёзда сотувга чиқади

Samsung қанчалар ҳаракат қилмасин, бироқ Nokia брендининг смартфон бозорига қайтиши яқиндагина ўтган Жаҳон Мобиль Конгрессининг энг шов-шувли воқеаси бўлди. Финляндиянинг HMD Global компанияси намойиш қилган замонавий талқиндаги Nokia 3310 ва янги Nokia моделлари Европа бозорида рақобатни янада кучайтириши мумкин.

HMD компанияси ўзи аллақачон муваффақиятли алоқаларни ўрнатган Европа учун мос смартфонлар ишлаб чиқаришни ривожлантириши аниқ. Жумладан, энг илғор ва қимматбаҳо флагманлар ишлаб чиқариш режаси ҳам йўқ эмас.

Арзон, ўрта нархли ва қиммат телефонлар ишлаб чиқаришни кўзлаган Nokia брендининг яқин йиллар ичида iPhone, Samsung каби етакчи смартфон брендлари билан беллашиши кутилмоқда.

Компаниянинг Nokia 8 смартфони тўғрисидаги йил бошидан буён тарқаётган маълумотларга кўра, пешқадам технологик жиҳатларга эга ушбу флагман жорий йилнинг 2-чорагидан сотувга чиқарилади.

Мобиль телефон йилнинг энг кучли Android смартфонлари каби, Snapdragon 835 процессори ҳамда Adreno 540 видеокартаси, 5.7 дюймли QHD экран, microSD қўшимча хотира бўлмачаси, 23 мегапикселли бош камерага эга бўлади. Nokia 8 4 ГБ ёки 6 ГБ оператив хотира, 64/128 ГБ доимий ички хотира, 4000 мА соат аккумулятор билан таъминланади.

Nokia 8’нинг халқаро бозорда $464 АҚШ долларидан сотилиш айтилмоқда.

Сайтимизнинг энг чиройли расмларини Инстаграмдаги саҳифамизда томоша қилинг!