Nokia 9’нинг барча тафсилотлари битта видеода: Galaxy Note 8 каби, фақат қизиқроқ
Бир қатор манбаларнинг таъкидлашларича, Nokia 9 флагмани шу йилнинг охиригача тақдим этилади. Бу – мазкур компаниянинг анчадан буён тиллардан тушмасдан келаётган, аммо ҳануз намойиш этилмаган ягона қурилмасидир, деб ёзади Hi-Tech Mail.Ru.
Мазкур девайс ҳали кейинги йилнинг февралида – Mobile World Congress (MWC) 2018 кўргазмасидагина намойиш этилади, деган фикрлар ҳам мавжуд. Аммо қизиқувчилар Nokia 9 ҳақидаги ҳозиргача барча маълумотларга таянган ҳолда унинг концепти видеосини яратишган. Унда мазкур қурилмани ҳар томонлама томоша қилиш имкони мавжуд.
Мана, ўзингиз бир кўринг-да:
Кўриб турганингиздек, Nokia 9 нимаси биландир Samsung Galaxy Note 8 фаблетини эслатиб юборади, лекин ундан кўра қизиқарлироқ кўринади. Бу смартфоннинг турли хусусиятлари билан мана бу мақоламизда, олдинги видеоси билан эса мана бу манзилда батафсил танишишингиз мумкин.
Айтиш керакки, Nokia 9 эртароқ чиқарилса, бу ҳол Nokia 8 моделидаги қурилмаларнинг савдосига салбий таъсир этади. Шуни англаган HMD Global компанияси ўзининг янги флагманини кейинги йилга борибгина тақдим этиши эҳтимоли юқори.
