Nokia 9 PureView'нинг беш камерали модули DxOMark'да ҳамманинг ҳафсаласини пир қилди

Nokia 9 PureView'нинг беш камерали модули DxOMark'да ҳамманинг ҳафсаласини пир қилди

Ўзига хос беш камерали модулга эга Nokia 9 PureView бу йил тақдим қилинганди. Light томонидан яратилган ушбу модул сифатли тасвирлар олишда компутационал фотография усулидан фойдаланади. Бу таъриф айнан ишлаб чиқарувчи томонидан иддао қилинган хусусиятлар эди, бироқ қозонда бори чўмичга чиққанда, ҳақиқий натижалар кутилганидек бўлмади (боке эффектидан ташқари).

DxOMark PureView камерасининг тавсифини эълон қилди. Натижалар эса кўнгилдагидек эмас. 85% лик кўрсаткичи билан гаджет уч йил олдинги iPhone 7 қайд этган натижани кўрсатган бўлса, Nokia 8 Sirocco'дан бироз яхшироқ холос.

PureView оддий расмлар олишда бешта камера комбинацияси ҳамда сатҳ деталлари учун Парвоз вақти (ToF) датчигидан фойдаланади. Бу эса ажойиб боке эффекти ва сифатли автофокус ҳосил қилади; мана шу икки жиҳат Nokia 9 смартфонининг икки энг мақтарли томонидир.

Ваҳоланки, компаниянинг бешта объективдан олинган тасвирларни бирлаштириб, ўта катта зум ҳосил қилиш ваъдаси ўзини оқламади. Google Pixel 3a'даги якка камера Nokia'дан яхшироқ натижа кўрсата олди.

Видео ёзув натижалари ҳам айтарли даражада яхши эмас. Тўғри, видео стабилизацияни юқори баҳолаш мумкин, бироқ бошқа жиҳатларда камера анчайин оқсайди. Nokia 8 Sirocco'га ҳам PureView'дан яхшироқ: 82 балл берилган. Бундан ташқари, тасвир стабилизацияси электрон бўлиб, фақат 1080p видеолар учун мавжуд. Бошқача қилиб айтганда, 4K видеолар стабилизацияланмайди. Бундай кўрсаткичга нима сабаб бўлганини DxOMark'нинг тўлиқ ҳисоботидан ўқиб билишингиз мумким.

ЎҚИНГ: 900 йил аввал лойдан ясалган уяли телефон топилди – экрани ва тугмачаларида шумерча ёзувиям бор!

Terabayt.uz сайтининг видеолари: Youtube'даги каналимизда!