Nokia бирданига иккита тугмачали телефон намойиш қилди (+видеолар)

  •   DiMaX
  •  2333
  •  24.07.2019 18:13

Nokia бирданига иккита тугмачали телефон намойиш қилди (+видеолар)

Гарчи тўлиқ экранли, турли технологиялар билан бойитилган смартфонлар даври келган эса-да, тугмачали телефонларнинг ҳам бозори чаққон. Афсонавий брендга эгалик қилувчи HMD Global компанияси бугун классик дизайнга ва бақувват батареяга эга бўлган Nokia 105 (2019) ҳамда Nokia 220 4G телефонларини тақдим этди.

ЎҚИНГ: «Жонли» сурат: Nokia сир тутаётган тугмачали Android-телефон «қўлга тушди»!

Улардан бири Nokia 105 (2019) модели бўлса, иккинчиси Nokia 220 4G деб номланган.

2019 йилги Nokia 105 модели диагоналига 1,77 дюймлик рангли дисплейга эга. Телефоннинг ички хотираси 2000 контакт ва 500 SMS сақлашга етади. Аккумуляторининг ток сиғими 800 мА/соатни ташкил этади. Агарда белефоннинг қувват сарфи кам эканини ҳисобга олсак, бундай аккумулятор унинг узоқ вақтлик автономлигини таъминлай олиши аён бўлади.

Nokia ушбу телефонининг зарбаларга ва тушиб кетишга чидамли эканига кафолат бермоқда. Шунингдек, қурилма қўлчироқ (фонарик), стандарт қулоқчин тирқиши ҳамда FM-радио билан ҳам таъминланган.

Ушбу телефонга бағишлаб тайёрланган расмий видеороликни томоша қиламиз:

Nokia 105 (2019) жорий йилнинг учинчи чорагидан савдога қўйилади. Унинг иккита SIM-картали модели 19 АҚШ доллардан, битта SIM-карталиси эса 17 доллардан бошланувчи нархларда сотилади.

ЎҚИНГ: Афсонавий Nokia 8110 «бананофон»ида энди WhatsApp ва Facebook ҳам ишлайди!

Nokia 220 4G телефони эса, номидан ҳам англашилиб турганидек, тўртинчи авлод уяли алоқа тармоқларида қўллашга мосланган. Одатий овозли қўнғироқлар ва матнли ёзишмалардан ташқари, унда интернетга ҳам кирса бўлади. Бу каби функцияларни қўллаб-қувватлаши учун мазкур телефонга 2,4 дюймлик QVGA-экран ҳамда 1200 мА/соатлик аккумулятор ўрнатилган.

HMD Global мазкур девайс ҳақида ишлаган лавҳага назар соламиз:

Nokia 220 4G моделининг савдога чиқиш санасини ва нархини кейинроқ эълон қилишади. Тахминларга кўра, уни 43 долларга баҳолашади.

Terashop.uz интернет-дўконимизда эса турли русумлардаги Nokia , Xiaomi ва Philips брендларининг тугмачали телефонларини атиги 239 000 сўмдан бошланувчи нархларда сотиб олиш мумкин.

ЎҚИНГ: Nokia флагмани ва бошқа смартфонлари яхшигина арзонлашди!