Nokia’дан иккита номаълум смартфон
HMD Global компанияси яқинда Nokia 2.1, Nokia 3.1 ва Nokia 5.1 смартфонларини намойиш қилди ва яна бир глобал версия – Nokia X6’ ни тақдим этишга ҳозирлик кўрмоқда. Энди эса компаниянинг яна бир нечта қурилмалари ҳақида турли миш-мишлар урчимоқда.
ЎҚИНГ:Nokia смартфонлари тўлиқ янгиланади
Гап шундаки, яқинда компаниянинг иккита смартфони Eurasian Economic Commission (ECC) да сертификациядан ўтди. Иккала модель ҳам 4 июль куни бюронинг маълумотлар базасига киритилган. Ҳужжатда қайд этилишича, янги қурилмалар TA-1087 ва TA-1119 камералари билан таъминланган. Афсуски, қурилмаларнинг муҳим жиҳатлари, тақдимот санаси ва нима деб аталиши ҳақида ҳеч қандай янгилик йўқ.
Фақат уларнинг биттаси Nokia 9 бўлиши мумкинлиги ҳақида фаразлар бор, чунки бу ҳақда яқинда инсайдер Роланд Куант (Roland Quandt) ёзганди. Девайс Snapdragon 845 процессори, ромсиз OLED-дисплейи ва экран остида бармоқ излари сканери билан таъминланади.
