Nokia компанияси Digital Health бўлимини сотиб юборди
Бундан уч ой бурун Nokia компанияси Digital Health (аввал Withings эди) бўлимини сотиш бўйича музокара олиб бораётгани ҳақида хабар тарқалган эди. Оммавий ахборот воситалари тарқатган хабарларга қараганда, музокаралар Google, Samsung ва бир қатор Француз компаниялари билан олиб борилган. Натижада ушбу бўлимни аввалги хўжайини ва асосчиси Эрик Каррель (Éric Carreel) сотиб олган.
ЎҚИНГ: Nokia X6 – илк партия ўн сонияда сотилиб кетди
Куни кеча Финландия гиганти олди-сотти ишлари ниҳоясига етганини расман эълон қилди. Ҳозирча унинг тафсилотлари ошкор этилмаяпти, аммо кейинчалик маълум қилиниши ҳақда ваъда берган. Бундан ташқари, янги мулкдорнинг (аслида аввалги мулкдор) яқин орада бизнесни яхшилаш ва келгуси режалар ҳақидаги матбуотда чиқиши кутилмоқда.
Франциянинг Withings’ компаниясини Nokia 2016 йилда 170 млн еврога сотиб олганди. Компания фитнес ва саломатлик учун турли туман гаджетлар ишлаб чиқариш билан шуғулланарди. Ишлаб чиқарилаётган маҳсулотлар ассортименти рўйхатида «ақлли» тарозилар ва тонометрлар ҳам бор эди. Компаниянинг энг машҳур маҳсулотларидан бири шубҳасиз, классик ташқи кўринишга эга Withings Activité, Activité Pop и Nokia Steel HR “ақлли” соатлари бўлган.
ЎҚИНГ: Ниҳоят, Nokia ҳам iPhone X услубидаги илк смартфонини тақдим этди
