Nokia’нинг энг арзон илғор смартфони сотувга чиқяпти

HMD Global компанияси ўтган ойда Хитойда ўзининг Nokia X5 смартфонини расман намойиш этган эди. Мазкур қурилма яқин орада дунё бозорига Nokia 5.1 Plus модели сифатида чиқарилади.

ЎҚИНГ: Nokia йилнинг энг арзон ва илғор смартфонларидан бирини тақдим қилди

Ушбу гаджетнинг тез орада глобал савдога чиқарилишини тасдиқловчи фактни Nokiapoweruser нашри маълум қилган. Унга кўра, куни кеча бу смартфон Bluetooth Special Interest Group (SIG)  ташкилотида сертификациядан ўтган. Nokia 5.1 Plus унда турли ҳудудлар бозорига мўлжалланган бешта вариантда рўйхатга олинган: TA-1108, TA-1120, TA-1112, TA-1102 ва TA-1105.

Nokia 5.1 Plus моделининг дисплейи диагоналига 5,8 дюймлик ўлчамга ҳамда 1520х720 пикселлик тасвир аниқлигига эга. Томонлари ўзаро 19:9 нисбатли бу экран 2.5D ҳимоя ва безак шишаси билан қопланган, юқори қисмида «кемтик» ҳам мавжуд.

Nokia 5.1 Plus якка кристалли Helio P60 процессорига асосланган, 4 ГБ тезкор ва 64 ГБ доимий хотираси бор. Асосий камераси қўшалоқ – 13 ва 5 мегапикселли датчиклардан иборат. 8 мегапикселли селфи-камера эса «сунъий ақл» функцияси ёрдамида смартфон фойдаланувчи қиёфасини текширувдан ўтказиб, уни блокировкадан чиқара олади.

Ушбу смартфон бозорда 148 АҚШ долларидан бошланган нархда сотилиши кутилмоқда.

ЎҚИНГ: Nokia’нинг навбатдаги флагмани iPhone X’дан қиммат, аммо бу бекорга эмас!