Nokia ўзининг янги смартфонини тақдим этди

Nokia ўзининг янги смартфонини тақдим этди

Nokia компаниясининг янги G21 смартфонини аввалги G20 билан таққослаганда унинг камера, дисплей, дизайн ҳамда аккумулятор қисмларида ўзгариш бўлганини кўришимиз мумкин.

Ушбу қурилманинг энг кучли томони - бу тўлиқ қувват билан ўртача даражада фойдаланилганда уч кун ишлаб бера олишидадир. Смартфон 5,050 мАс сиғимли аккумулятор билан жиҳозланган. Компания тақиқларсиз қувватни тежаш режимини такомиллаштира олган.

Энди смартфон қуввати 20% дан камайганда у биринчи босқич қувватни тежаш режимига, 10% дан камайганда эса иккинчи босқич қувватни тежаш режимига ўтади. Шу йўл билан аккумулятор автономлик вақти узаяди. 

Шуни таъкидлаш керакки, Аввалги G20 модели ҳам 5,050 мАс сиғимли аккумуляторга эга бўлиб, компания унинг аккумулятор автономлик вақти ҳам уч кунга етишини таъкидлаган эди. 

Янги моделнинг қувватланиш тезлиги 18 ваттга ошган. Бироқ унинг қутисида 10 ваттлик қувватлаш адаптери бўлади ҳолос. Максимал тезликка эга бўлиш учун фойдаланувчи қўшимча харажат қилиши керак бўлади. 

G21 моделининг яна бир эътиборга молик томони унинг корпус қалинлиги 9.2 миллиметрдан 8.5 миллиметрга, яъни 5% га қисқарган. 

Қурилмага 90Hz экран янгиланиш частотасида ишловчи 6.5 дюймли LCD дисплейи ўрнатилган. Бу 90Hz частотада ишловчи илк G сериядаги смартфон ҳисобланади. Қувватни тежаш учун экраннинг ишлашини созланмалар орқали адаптив режимга ўтказиш мумкин. Шунда қурилма жорий контентга қараб дисплей частотасини 60Hz га тушира олади. 

Смартфонга янги 50МП камера ўрнатилган. Линза диафрагмаси ҳамда сенсор ҳажмини ўрнига компания расм сифатни яхшилашга ҳизмат қиловчи Supere Resolution функциясига аҳамият берган. 

Камера функциялари орасидан тунги режим ҳам ўрин олган. Афсуски янги моделдан 5МП ультракенг олиб ташланган. Унинг ўрни эса 2МП макро ва 2МП сатҳ камералари билан тўлдирлган. 

Nokia G21 модели 12 нанометрлик жараён асосида яратилган Unisoc T606 чипи билан жиҳозланган. У иккита Cortex-A75 ҳамда олтита A15 ядроларига эга бўлиб, аввалги моделга ўрнатилган Helio G35 чипидан кучлироқ ҳисобланади. Графика учун эса Mali G57 MP1 жавоб беради. 

Қурилмадаги чип 5G'ни қўллаб-қувватламайди. У 4/64 ҳамда 4/128ГБ хотира билан интеграллашган. Хотирани microSD картаси билан кенгайтириш мумкин. Смартфонда иккита SIM-карта ва битта microSD картаси учун уя мавжуд. 

Nokia G21 ҳозирча Android 11 операцион тизимида ишлайди. Кейинчалик Android 12'га янгиланади. Компания қурилмани уч йиллик хавфсизлик патчи билан таъминлашга ваъда беради. 

Бармоқ изи сканери смарфоннинг ён томонида жойлашган. Қурилмани бармоқ изидан ташқари юзни таниш функцияси орқали ҳам ҳимоялаш мумкин. 

Nokia G21 яқин кунлар ичида сотувга чиқади. Унинг бошланғич нархи 170 долларни ташкил қилади. 

ЎҚИНГ: Redmi 10 (2022) тақдим этилди

Terabayt.uz сайтининг видеолари: Youtube'даги каналимизда!