Nokia тайёрлаётган 9.3 PureView флагманини сифатли суратлар ва видеода кўринг!
«Қайта тирилган» афсонавий телефонсоз яқинда «кризисга қарши» Nokia 1.3 ҳамда Nokia 5.3, шунингдек, яна иккита смартфонларини тақдим этган эди. HMD Global энди ушбу бренд флагмани – Nokia 9.3 PureView моделини тайёрламоқда.
ЎҚИНГ: DxOMark: Бу ҳамёнбоп смартфон камера бобида Nokia 9 PureView флагманига тенг!
YouTube’даги Concept Creator видеоканали орқали танилган дизайнер Жермейн Смит (Jermaine Smit) махсус LetsGoDigital ресурси учун ушбу қурилманинг рендер суратлари ва видеосини тайёрлади. Дизайнер бунда Nokia 9.3 PureView ҳақидаги патент ҳужжатларидан ва аинсайдерлик маълумотларидан
Кутилаётган смартфон дизайнида илк кўзга ташланадиган жиҳат – олд камеранинг йўқлигидир. Nokia селфи-камераси экран остига яширилган флагман тайёрлаётгани ҳақида анчадан бери гап-сўзлар юради. Тасдиқланмаган маълумотларга кўра, унинг аниқлиги 32 мегапикселлик бўлиб, камера ишлатилмаётган пайти экранда билинмай туради. Шунингдек, Nokia 9.3 PureView дактилоскопи ҳам дисплейга интеграция қилинади.
ЎҚИНГ: Исталган Android-смартфоннинг бармоқ изи сканерига тезкор функциялар қўшамиз
NokiaPowerUser нашри икки ҳафта аввал Nokia 9.3 PureView ҳақида айрим тафсилотларни эълон қилган эди. Унга кўра, мазкур смартфонда янгиланиш частотаси 120 герцлик PureDisplay V3 дисплейи қўлланади. Диагоналига 6,3 дюймлик экраннинг тасвир аниқлиги эса QHD+ форматида бўлади.
Nokia 9.3 PureView флагмани Qualcomm Snapdragon 865 процессорига эга бўлиб, тезкор/доимий хотираси 6/128 ҳамда 8/256 гигабайтлик вариантларда савдога чиқади. Ҳар иккаласида ҳам microSD форматли хотира картаси учун слот кўзда тутилган.
Смартфоннинг бош камерасида 108 ва 64 мегапикселлик сенсорлар, шунингдек кенг бурчакли модул, телеобъектив ҳамда макрообъектив бўлади. Nokia 9.3 PureView аккумулятори 4500 мА/соатлик бўлиши айтилмоқда.
ЎҚИНГ: Энг қиммат флагман DxOMark рейтингида: Samsung бу шармандаликни кўтара олармикан?!. (+видео)
Жермейн Смит тайёрлаган Nokia 9.3 PureView видеосини бирга томоша қиламиз:
Nokia 9.3 PureView модели жорий йилнинг иккинчи ярмида чиқиши кутилмоқда, нархлари эса ҳозирча номаълум.
ЎҚИНГ: Атиги 59 долларлик моделнинг давомчиси – Nokia’нинг ўта арзон 4G-смартфони тайёр!
