Nokia ва Apple'нинг патент "жанги"да мағлуб $2 млрд долларга тушди

Nokia ҳамда Apple ўртасидаги патент билан боғлиқ низолар 2016 йилда бошланган эди. Apple компанияси ўшанда Финляндиянинг Nokia Technologies компаниясини патент ҳуқуқини 3-томон ишлаб чиқарувчиларига сотишда айблаган эди.

Тергов-суриштирув ишлари натижасида, iPhone ишлаб чиқарувчисининг ўзи Nokia'нинг 32 та патент келишувларини бузганлиги аниқланди.

2017 йилнинг май ойида Nokia ва Apple вакиллари патент можаролари ниҳоясига етганини маълум қилишди. Жорий ҳафтада "олма" корпорациясининг Nokia'га тўлаб бериши керак бўлган маблағ миқдори аниқ бўлди.

Nokia 2017 йилнинг 2-чорагида олган даромадларига оид ҳисобот билан бирга, компания Apple'дан кўрган зарарини ҳам маълум қилди. Унга кўра, Apple 1,7 миллиард евро, яъни 2 миллиард АҚШ долларини Nokia'га тўлаб беради.