Ноодатий дизайндаги Galaxy смартфони тақдим этилади

Ноодатий дизайндаги Galaxy смартфони тақдим этилади

Эски дизайндаги янги Galaxy XCover 6 Pro модели 5G тармоғи ва яна бир қанча замонавий функциясиларга эга бўлади. Қурилма 120 гертс частотада ишловчи FullHD+ резолюциядаги 6.6 дюймли LCD дисплейи билан жиҳозланади.

Дисплейнинг бармоқни сезиш даражаси ошган бўлиб, уни нам қўл ёки қўлқопда осон бошқариш мумкин. Шунингдек, дисплейни энг сўнгги турдаги Gorilla Glass Victus+ шишаси ҳимоялаб туради. 

XCover 6 Pro модели IP68 сув ва чангдан ҳимоя ва MIL-810H экстримал ҳолатларда ҳам ишлаш стандартига эга. Қурилманинг ўлчамлари 168.8х79.9х9.9 мм, оғирлиги эса 235 граммни ташкил қилади. 

Смартфон 5G ва Wi-Fi 6E тармоқларини қўллаб-қувватлайди. У Snapdragon 778G чипи билан жиҳозланади ҳамда 6ГБ тезкор ва 128ГБ microSD картаси билан кенгайтириш мумкин бўлган доимий хотирага эга бўлади. 

Орқа томонда смартфондан ажратса бўладигам 4,050 мАс сиғимли аккумулятор бўлиб, у 15 ваттда қувват олади. Қуввлаш адаптери смартфон қутисида бўлмайди, компания фақат USB-C кабелини жўнатади холос. XCover 6 Pro'нинг махсус хусусиятлари ҳақида гапирадиган бўлсак, дастурлаштириладиган босиш-гапириш тугмаси ҳам мавжуд.

Смартфонга 50МП асосий, 8МП ультракенг ва 13МП селфи камералар ўрнатилади. Дастурий таъминот жиҳатидан қурилма Android 12 операцион тизимига асосланган One UI 4 график қобиғида ишлайди. Гаджетда динамикларни баландлатиш ва Samsung DeX функциясилари мавжуд. 

Афсуски, Samsung смартфоннинг нархи ҳақида ҳеч қандай маълумот бермади. У июль ойида Европа ва Осиё давлатларида сотувга чиқади. Тахминларга кўра, қурилманинг нархи 600 евролар атрофида бўлади. Компания смартфонни 13 июль санасида Galaxy Tab Active4 Pro планшети билан бирга тақдим этади. 

ЎҚИНГ: Asus ROG Phone 6'нинг рендерлари эълон қилинди 

Сайтимизнинг энг чиройли расмларини Инстаграмдаги саҳифамизда томоша қилинг!