Nothing оиласи кенгаймоқда: компаниянинг яп-янги маҳсулотининг рендери тарқалиб кетди!
Биз Nothing'дан Snapdragon 8 Gen сериясидаги чипсет билан жиҳозланган премиум смартфон кутаётган бир вақтда, компания умуман бошқа маҳсулотни ишлаб чиқариш билан бандга ўхшайди. Лондонлик компания ўз оиласининг янги аъзосини тизер қилишни бошлади.
Nothing одатда ўз маҳсулотларини ҳашорат ёки қушлар (биз ҳозиргача кўрганимиз шулар) билан тизер қилишга одатланган. Масалан, компания ўзининг янги симсиз қулоқчинларини хонқизи, илк смартфонини эса тўти қуш билан тизер қилган. Янги маҳсулотга келсак, у ҳам ҳашаротлар оиласига мансуб – шохдор қўнғиз йўлда келмоқда:
🪲 incoming.
— Nothing (@nothing) March 3, 2023
Like this tweet if you want a sneak peek of what's coming next. pic.twitter.com/IcBQRCJNP6
Nothing ўз лабараториясида айнан нимани тайёрлаётганини яширишга қанчалик уринмасин, унинг шохдор қўнғизи қайси маҳсулот рамзи эканлигини аллақачон маълум бўлди. 91Mobiles нашри Куба Войцеховски билан Nothing компаниясининг янги маҳсулоти, овоз кучайтиригич рендерларини улашди.
Суратда сиз эҳтимолий Nothing "мини колонка"си ён томонларида бир нечта кичик тугмалар, олдидаги пешонасининг икки чеккасида қора юмалоқ овоз чиқарувчилари, уларнинг чап томондагисининг ёнида эса LED чироғини кўришингиз мумкин. Қурилма олд томонинг асосий қисмини эса бас кучайтиргичлар эгаллаган.
Ноодатий ва эҳтимол, бироз ғалатироқ қурилма дизайнига бир қарашда сиз уни мини-колонка демаслигингиз мумкин. Бироқ, ҳа, бу Nothing тез кунда оммага тақдим қилишга тайёрланаётган янги маҳсулотдир. Қолаверса, бу шунчаки овоз кучайтиргич эмас, у ақлли эканлиги ҳам айтилмоқда.
Афсуски, Nothing овоз кучайтиргичининг на техник хусусиятлари ва на тақдимот санаси ҳозирча маълум.
