Nothing ўзининг Ear Stick қулоқчинларини ҳали яна уч ҳафта тизер қилади

Nothing ўзининг Ear Stick қулоқчинларини ҳали яна уч ҳафта тизер қилади

Карл Пейнинг Nothing компанияси ўтган йили ўзининг илк маҳсулоти, ear (1) симсиз қулоқчинларини тақдим қилган эди. Эндиликда компания унинг янги авлоди, ear (stick)'ни намойиш қилишга тайёрланмоқда.

Яқинда бўлиб ўтган Лондон мода фестивалида Nothing ўзининг янги Ear Stick қулоқчинларини илк марта кўрсатган эди. Ўшанда улашилган тизер суратлардан янги қулоқчинлар силиндрсимон қувватловчи кейсига эга бўлиши маълум бўлган. Шундан сўнг, компания ноодатий кейсдан қулоқчинлар қандай олинишини кўрсатиб берадиган видеони ҳам улашди. Кеча эса Nothing расман Ear Stick қачон тақдим қилинишини эълон қилди.

Шундай қилиб, Ear Stick 26 октябр куни, Тошкент вақти билан 19:00 да бўлиб ўтадиган жонли эфирда намойиш қилинади. Албатта, жонли эфирни сиз компаниянинг расмий веб-сайтида ёки YouTube саҳифасида кўришингиз мумкин.

Nothing'нинг маълум қилишича, Ear Stick юқори даражадаги қулайлик таклиф қилади. "Сезилмаслик учун яратилган" дейди, компания қулоқчинлар патдек енгил бўлишига ишора қилиб.

Миш-мишларга кўра, Ear Stick қулоқчинлари компаниянинг аввалги маҳсулотларидек ярим шаффоф дизайнда IP52 даражадаги сувга чидамлилик билан чиқарилади. Уларнинг лаб бўёғи шаклидаги кейси 350 мА/с батарея ҳажмига эга бўлиши айтилмоқда. 

ЎҚИНГ: Xiaomi яп-янги Redmi Pad планшетини тақдим қилди

Хабарларни тез ва осон ўқиш учун Андроид иловамизни сақлаб олинг.