Nothing тез орада ўзининг биринчи смартфонини тақдим этади
Бир ҳафта олдин Nothing компания ўзининг биринчи смартфонини тез орада тақдим этиши ҳақидаги постини Twitter саҳифасига жойлаган эди.
Кеча эса компания яна бир янги тwитни эълон қилди. Унга кўра, компания яқин кунлар ичида ўзининг биринчи смартфонини тақдим этади. Шунингдек, тwитда компаниянинг тақдимот ҳамкорлари ҳам эслатиб ўтилган. Ҳамкорлар қаторидан Британиянинг O2 компанияси, Германиянинг Deutsch Telecom оператори ва Ҳиндистоннинг Flipkart онлайн дўкони ўрин олган.
Агар смартфон ушбу ҳафтада эълон қилинса ҳам, у келаси ойдан, аниқроғи, 21 июль санасида сотувга чиқади. Миш-мишларга қараганда қурилманинг нархи 535 доллар атрофида бўлади.
Компания ошкор қилган маълумотларга қараганда смартфон корпуси қайта ишланган алюминийдан ясалган бўлади. Экраннинг пастки қисмидаги рамка анча ингичка ва орқа панель шаффоф бўлади. Бундан ташқари, гаджет симсиз қувватланишни қўллаб-қувватлайди ҳамда Snapdragon чипига эга бўлади.
@TechDroider инсайдери ҳам смартфонга оид норасмий маълумотларни эълон қилди. Унга кўра, смартфон 1,080 х 2,400 пиксел резолюциядаги 6.55 дюймли ясси OLED дисплейи билан жиҳозланади. Дисплей юқори янгиланиш частотада ишлаши айтилмоқда, бироқ бу аниқ қайси частотада бўлиши ноаниқ бўлиб қолмоқда.
ЎҚИНГ: Ҳали тақдим этилмаган смартфонни қутидан очиб кўришди
