Ноутбук бозорининг етакчи компаниялари эълон қилинди

TrendForce тадқиқот ресурсининг маълумотига кўра, 2016 йилнинг биринчи ярмида жаҳонда жами 74,18 млн дона ноутбук сотилган. Бу ўтган йил шу муддатида кузатилган кўрсаткичдан 4% га камдир.

Аналитиклар тузган рейтингда Хитойнинг Lenovo компанияси сотилган ноутбуклар сони бўйича жаҳонда етакчиликни сақлаб қолган. Компания биринчи ярим йиллик давомида 16,15 млн дона ноутбук сотган ва унинг дунё бозоридаги улуши 21.8 фоизни ташкил қилган.

Иккинчи ўринни  HP (Hewlett-Packard) компанияси банд этди. Жадвалдан компания жаҳонда жами 15.8 млн дона ноутбукни ўз эгаларига етказиб, бозорнинг 21.3 фоизига эгалик қилганини кўриш мумкин. Учинчи ўринда Dell (15,3%), ундан кейинги ўринларни эса Asus (10,9%) ва Apple (7,9%) компаниялари изма-из келишмоқда. Маълумот учун йил давомида MacBook ноутбукларига бўлган талаб 23.4 фоизга камайган. Бундай рақамлар Apple бозордаги ўз позициясини қўлдан бераётганидан далолат беради. Агар иш шундай давом этса, Тайванлик Acer яқин келажакда Appleни ортда қолдириши мумкин.