Ноябрнинг охиригача бешта Nokia смартфони Android 9 Pie’гача янгиланади

  •   DiMaX
  •  317
  •  05.10.2018 13:10

Ноябрнинг охиригача бешта Nokia смартфони Android 9 Pie’гача янгиланади

HMD Global компанияси 4 октябрь куни симсиз қулоқчинини ҳамда Nokia 7.1 смартфонини тақдим этганидан хабарингиз бор. Мазкур тақдимот тадбирида яна битта хушхабар ҳам эълон қилинган.

ЎҚИНГ: Nokia 7.1: катта экранли лекин арзон

Nokia ўз смартфонлари учун ҳеч бир график қобиқ ишлаб чиқмасдан, уларни «тоза» Android билан чиқараётганини унинг афзалликларидан бири, дейиш мумкин. Айнан шу боис улар операцион тизимнинг янги талқинларини бошқа аксарият смартфонсозларнинг маҳсулотларидан олдин, биринчилар қаторида олади.

Жумладан, намойишда эълон қилинишича, мазкур бренднинг мана шу Nokia 7.1 моделидан ташқари, яна тўртта русумдаги смартфони ноябрнинг охиригача Android операцион тизимининг 9 – Pie талқинини олади. Яъни, октябрнинг ўзидаёқ Nokia 6.1 ва Nokia 6.1 Plus, ноябрда эса Nokia 8 ҳамда Nokia 8 Sirocco моделлари Android 9 Pie’гача янгиланади.

Умуман олганда, HMD Global компанияси мазкур афсонавий брендни «тирилтиргани»га турли ижобий ва салбий қарашлар кўп бўлди. Аммо бу юриш ўзини оқлади – янги Nokia смартфонларининг бозори чаққон, харидорлари хурсанд...

ЎҚИНГ: Барча Nokia смартфонлари эгалари учун ажойиб сюрприз бор!

Сайт янгиликларидан доимий хабардор бўлиш учун Телеграм каналимизга қўшилинг!