Nubia Red Magic 5G неча ваттлик қувватлагичга эга бўлади?
Nubia ўзининг бешинчи авлод тармоғини қўллаб-қувватловчи Red Magic смартфонини тақдим этишга тайёрланмоқда. Яқинда компания раҳбари ўзининг Weibo саҳифасида сўровнома ўтказиб, фойдаланувчилардан 40 ватт, 50 ватт ва 55 ватт қувватланишнинг қайси бири афзал эканлиги ҳақида фикр билдиришни сўраганди.
Қурилма ҳақида бир қанча маълумот пайдо бўлди ва аккумулятор ҳажми эса 4 500 мА/соат деб кўрсатилди.
Сўровнома натижаларига кўра, респондентларнинг аксарияти 55 ваттли қувватлагич учун овоз беришган. 4500 мА/соатлик батареянинг тўлиқ зарядланиши учун эса 40 дақиқа кифоя қилиши айтилмоқда. Nubia Red magic 5G'нинг ўзи 4500 мА/соатлик батарея ва 55 ваттлик тезкор қувватлагичга лойиқ эканлиги эса шубҳасиз.
Ушбу маълумотни NX659J индекси билан модель протседурасини ўтказган 3C сертификатлаш маркази ҳам тасдиқлайди. Регулятор маълумотларига кўра, ушбу қурилма ҳақиқатдан 55 ваттлик қувватланишга эга.
Смартфоннинг ўзи ҳақида гапирадиган бўлсак, у Snapdragon 865 чипи, 16 Гб тезкор хотира, самарали суюқлик совутиш тизими, шунингдек 144GHz частотада янгиланадиган дисплейга эга ва Wi-Fi 6'ни қўллаб-қувватлайди. Қурилма орқа томонига эса уч камерали система ўрнатилади.
