ОАВ: Афсонавий Motorola RAZR V3 “раскладушкаси” қайтмоқда

ОАВ: Афсонавий Motorola RAZR V3 “раскладушкаси” қайтмоқда

Тарих ортга қайтмоқдами ёки компаниялар одамларнинг хотираларини уйғотиб пул топишга ҳаракат қилишяптими, хуллас Lenovo раҳбари Ян Юанцин Motorola – RAZR V3 телефон аппаратининг қайта ишлаб чиқарилиши ҳақида хабар қилган. Бу маълумот Америка бизнес янгиликлари телеканали CNBC (Си-эн-би-си́) томонидан тарқатилган.

Бир муддат аввал америкалик Motorola брендини сотиб олган хитойлик Lenovo MWC 2017’да намойиш қилинган Nokia 3310’нинг шон-шуҳратидан илҳомланган кўринади.

2004 йилдан ишлаб чиқара бошлаган RAZR V3 буклама телефонини 2004-2005 йилларда жаҳоннинг энг кўп сотилган телефон аппарати бўлган. Айтиш жоизки, Motorola RAZR V3 Жаҳон миқёсида бу телефон 130 миллион донадан зиёд сотилган. Телефон ўзига хос дизайни билан тезда оммалашди. Металл пластинали клавиатура ва электролюминантли клавиатура ости чироғи билан у кўпчиликка гўёки келажак алоқа воситаларини эслатиб юборди.

Яқин кунларгача ҳам унинг турли моделлари бозорда оммабоп эди. Forbes журнали RAZR туркумини жаҳонинг энг оммалашган мобиль телефонлари сифатида қайд этган. Бугун ҳам кўпчилик шу шаклдаги буклама смартфонлар орзусида юрса ажаб эмас.

Афсонавий “раскладушка”нинг қайтишига бағишланган ролик Moto брендининг расмий YouTube каналида 2016 йилнинг май ойида чиққан эди.