"Окей гугл", "Энг яхши овозли ёрдамчи қайси"?

Loup Ventures аналитик компанияси овозли ёрдамчиларнинг йиллик рейтингини эълон қилди. Виртуал ёрдамчиларга 800 дан зиёд турли саволлар бериш орқали уларнинг овозни тўғри аниқлаш ва жавоб топиш даражасини синаб кўришган. Кутилганидек, бунда асосий кураш Google ва Apple’га тегишли овозли ёрдамчилари ўртасида кечган. Бироқ, қоидаларга кўра ғолиблик фақат битта компанияга тегишли.

Ғолиблик бу сафар ҳам Google Assistant’га насиб этган. У 93 фоиз саволларга тўғри жавоб берган. Иккинчи ўрин эса 83 фоиз тўғри жавоб бера олган Apple’нинг Siri’сига насиб қилган. Amazon Alexa эса 80 фоизлик натижа билан кучли учликни якунлаб берган.

Google Assistant

Таҳлилчиларнинг айтишича, ўтган йилга солиштирганда овозли ёрдамчиларнинг аниқлиги ва самарадорлиги сезиларли тарзда ижобий томонга ўзгарган. Мисол учун, 2018 йилда Alexa 60, Google эса 86 фоизлик натижа кўрсатганди. Ҳисоботга кўра, Siri ҳам қўнғироқ қилиш, смс хабарлар юбориш ва мусиқаларни бошқариш бўйича янада такомиллаштирилган.

ЎҚИНГ: Apple барчани тинглар экан - уни судга беришди!