Олимлар смартфон туфайли ғилай бўлмаслик чорасини айтишди
Жанубий кореялик олимлар смартфондан фаол равишда фойдаланиш болалар учун зарарли эканлигини эътироф этди. Нигоҳ доимий равишда кичик экранга қадалаверса, кесишувчи ғилайлик юзага келади, деб ёзади “Hi-tech.mail.ru”. Бу ҳақда Daryo янгиликлар сайти хабар бермоқда.
Чоннам миллий университети касалхонаси тадқиқотчилари 7 ёшдан 16 ёшгача бўлган 12 беморни ўрганди. Уларнинг барчаси кесишувчи ғилайлик — нигоҳ бурун томонга қараб қоладиган ҳолатдан азоб чеккан. Натижада кўзда ғилайлик хасталиги келиб чиқар экан.
Бу болаларнинг барчаси смартфонларга кунига 4—8 соат вақт сарфлагани аниқланди. Бунда кўздан экрангача бўлган масофа 20—30 сантиметрни ташкил этган.
Одатда кесишувчи ғилайлик беш ёшгача бўлган болаларда ривожланади. Осиё мамлакатларида бундай касаллик жуда камдан-кам учрайди, Европада эса бундай ташхис анча кўп қўйилади.
Шифокорлар беморларга, биринчи навбатда, смартфонларни кўздан холи қилиб, икки ой давомида улардан фойдаланмасликни тайинлади. Шундан сўнг 12 бемордан тўққиз нафари тезда соғайишни бошлади.
Шифокорлар таъкидлашича, ғилайлик ва кўриш қобилиятининг бузилиши билан боғлиқ бошқа муаммолар олдини олиш учун смартфондан узлуксиз фойдаланишни чеклаш — гаджетга бир йўла 30 дақиқадан кўп вақт ажратмаслик, смартфонни кўзга яқинроқ олиб келиш, бўйинни зўриқтириб, смартфонга томон қийшайтирмаслик керак. Боланинг кўзлари жойлашуви меъёрдан четга чиққанини пайқаши билан, ота-она уни офталмологга кўрсатиши зарур.
