Оммабоп ўйинни PS4, Xbox One ва компьютерларда бепул ўйнашга улгуринг!
Assassin's Creed Odyssey ўтган йили PlayStation консолларига энг кўп юкланган ўйинлар рўйхатига кирган. Ubisoft уни энди шу ва Xbox One приставкаларида, шунингдек, компьютерларда вақтинчалик бепул ўйнаш имконини тақдим этди.
ЎҚИНГ: Сиз севган Counter-Strike яна рекорд ўрнатди!
Ubisoft компанияси, афтидан, коронавирус пандемияси палласида ўйин ишқибозлари ўз уйларида банд бўлиб ўтиришларини истаган, шекилли. Чунки Assassin's Creed Odyssey ўйинини юқорида кўрсатилган платформаларда 19 мартдан то 22 мартгача бепул ўйнаш мумкин.
Геймерлар бунда ушбу қойилмақом ўйин доирасидаги барча контентдан фойдаланишлари, Ubisoft Club томонидан тақдим этилган «Римлик Эцио» жамланмасини блокдан чиқаришлари мумкин. Агарда геймер унинг маълум бир платформа учун тўлиқ версиясини харид қилса, бепул даврда эришилган ўйин жараёни ҳам сақланиб қолади.
Сиз ҳам Assassin's Creed Odyssey билан Қадимги Юнонистон юртига жангга отланишингиз мумкин, бунинг учун тўлов ёки регистрация ҳам талаб этилмайди. Фақат битта шарти бор – Xbox One фойдаланувчилари учун Xbox Live Gold олтин глобус мақоми керак бўлади.
