Оммабоп ролли ўйин – «Жодугар»ни бепул ва бутунлай олиб қўйинг!

  •   DiMaX
  •  1241
  •  21.05.2020 16:49

Оммабоп ролли ўйин – «Жодугар»ни бепул ва бутунлай олиб қўйинг!

Турли ўйин студиялари ва дўконлари коронавирус пандемияси туфайли карантин шароитида кишилар уйларида қолишлари учун ўз маҳсулот ва товарларини бепул тарқатишмоқда. Жумладан, GOG онлайн дўкони «Жодугар» ўйинини бепул ва бутунлай олиб қўйишни таклиф этяпти.

ЎҚИНГ: PUBG’да узоқ кутилган янгиланиш: Мартаба режими ва бошқалар (+видео)

Геймерлар орасида кўпроқ русча номи – «Ведьмак» билан танилган ушбу ўйинни поляк дастурчилари яратишган (оригиналида – «Wiedźmin», инглизчада – «The Witcher»). Унинг иккинчи ва учинчи талқинлари ҳам чиққан, GOG дўкони эса биринчисини бепул беряпти.

Гарчи у ердан олиш текин бўлса-да, айрим шартларии бор; аввало, сервиснинг янгиликлар тарқатмасига обуна бўлиш талаб этилади. Кейин эса «Гвинт» ўйинини кўчириб олиб, ўзингизнинг севимли ўйинларингиз рўйхатига киритиб қўйишингиз керак.

Шундан кейингина «Жодугар»ни теппа-текинга олишингиз мумкин бўлади ва унинг вақти ҳам чекланмаган. Шу билан бирга, бунда «Гвинт» ўйинидаги карталар бочкасини ҳам ҳадя этишади.

Агар шу шартларига рози бўлсангиз, GOG сайтидаги тегишли саҳифага мана бу ҳавола орқали ўтишингиз мумкин. Шу билан бирга, машҳур GTA 5 ўйинини бепул олиш муддати бугун – 21 май куни тугаётганини ҳам эслатиб ўтамиз.

ЎҚИНГ: GTA V’дан ҳам ўзиб кетган бу ўйин янги рекорд ўрнатди!