OnePlus 10 Pro тақдим этилди

OnePlus 10 Pro тақдим этилди

Бугун OnePlus 10 Pro смартфони Хитойда расман тақдим этилди. Аввалги OnePlus 9 Pro билан таққосласак янги смартфонда катта ўзгаришкар содир бўлган. Бунга Snapdragon 8 Gen1 чипи, янада тезкор қувватлаш технологияси, адаптив экран янгиланиш частотасида ишловчи иккинчи авлод LTPO дисплейи мисол бўла олади. 

ЎҚИНГ: iQOO 9 ва iQOO 9 Pro смартфонлари тақдим этилди 

Смартфон 6.7 дюймли LTPO 2.0 AMOLED дисплейи билан жиҳозланган бўлиб, унинг резолюцияси 1440 пикселни ташкил этади. Дисплей 1-120Hz адаптив частотасда ишлаши сабабли қувват самарадорлигини анчага оширади. 

Қурилма ичидаги Snapdragon 8 Gen1 чипи 8/12ГБ LPDDR5 тезкор хотира ва 128/256ГБ UFS 3.1 доимий хотира билан бирга ишлайди. 

Камералар ҳақида маълумот берадиган бўлсак, бу йил ҳам OnePlus камераларни ишлаб чиқаришда Hasselblad компанияси билан ҳамкорлик қилган. Демак, OnePlus 10 Pro моделига 1/1.43 дюйм ҳажмдаги ҳамда 1.12μm микрон пиксел катталикдаги 48МП Sony IMX89 сенсори асосий камера сифатида ўрнатилган. 

Шунингдек, камера модулидан 50МП Samsung JN1 ультракенг камераси ҳамда 3.3х оптик зумни қўллаб-қувватловчи 8МП телефото камера ўрин олган. Смартфонга f/2.4 диафрагмадаги 32МП Sony IMX615 сенсори селфи камера сифатида ўрнатилган. 

Hasselblad билан ҳамкорликда Natural Color Optimisation 2.0 (табиий ранг Оптимизацияси) режими ишлаб чиқилди. Бу орқали янада табиий рангдаги суратларни олиш мумкин. 

OnePlus 10 Pro смартфони Android 12 операцион тизимига асосланган ColorOS 12.1 график қобиғида ишлайди. Унинг глобал версияси эса OxygenOS тизимида ишлаши кутилмоқда. 

Тақдимотда компания 20 дақиқа Hyperboost номдаги функция ҳақида сўз юритди. Ушбу функция ўйин ўйнаш учун аппарат таъминотнинг ишлашини тезлаштиради, яъни созланмалар орқали CPU ишлаш тезлиги оширилиб, унинг саккизта ядроси максимал тезликда ишлайди. 

Қурилмани қизиб кетишини олдини олиш мақсадида OnePlus совутиш тизимини такомиллаштирди. Энди совутиш тизими панелининг катталиги тахминан 340 кв.сантиметрга ошган. 

Смартфонга 80 ваттда қувват олувчи 5,000 мАс сиғимли аккумулятор ўрнатилган. OnePlus 9 Pro билан таққослак янги модель 25% тезроқ қувват олади. Шунингдек, қурилма 50 ваттда симсиз заряд ҳам олиши мумкин. 

OnePlus 10 Pro қора ва яшил рангларда сотувга чиқади. Унинг нархи қуйидагича: 

OnePlus 10 Pro (8/128ГБ) - 737 доллар

OnePlus 10 Pro (12/256ГБ) - 831 доллар 

Смартфон 13 январдан сотувга чиқарилади. Ҳозирча компания қурилманинг глобал версияси қачон сотувга чиқиши ҳақида ҳеч қандай маълумот бермади. 

ЎҚИНГ: Рангини ўзгартира оладиган vivo V23 ва V23 Pro қурилмалари тақдим этилди 

Сайтимизнинг энг чиройли расмларини Инстаграмдаги саҳифамизда томоша қилинг!