OnePlus 5 ва 5T янгиланган прошивкали бўлди
Хитой ишлаб чиқарувчилари OnPlus 6 флагманини намойиш қилганидан кейин, эски қурилмалари учун ҳам янгиланган прошивка ўрната бошлади. Яқинда OxygenOS’нинг янги версиясига OnePlus 3 ва 3T’ни ўрнатишди, куни кеча эса, OnePlus 5 ва 5T’ни ҳам янгилаш бошланди.
Янгиланган қурилма 1.6 ГБни ташкил этади. Компаниянинг баёнот беришича, улар прошивкани бутунлай янгисига алмаштирган. Тўғри, унда янгиликлар кўп эмас, лекин бор. Хавфсизлик патч билан бойитилди, экранга қўш бармоқ босиб туриб смартфонни блоклаш мумкин, шунингдек, юқоридан пастга сийпаб тушириладиган парда дизайнида ҳам озгина ўзгариш киритилган.
ЎҚИНГ: OnePlus 6'да олинган илк суратлар
Энг муҳими, OnePlus қурилманинг автоном шароитдаги фаолият вақтини узайтирилиб, ишлаш самарадорлигини янада оширилган, шунингдек операцион тизимнинг аввалги версиясидаги кўплаб хатолар ҳам бартараф этилган. Масалан, Wi-Fi-тармоғига уланишда пайдо бўладиган муаммолар ҳамда AKG қулоқчинидаги микрофоннинг ёмон ишлаши кабилар.
Янги прошивкани «ҳаво орқали» тарқатиш аллақачон бошланган. Агар ҳали ҳам олмаган бўлсангиз, у ҳолда VPN’ни қўшинг ва «Канада» ёки «Германия»ни танланг. Шундан қилганингиздан кейин смартфон дарҳол ОТА–-янгиланишни кўради.
