OnePlus 9 Pro'нинг рендерлари чиқди: янгича дизайнли смартфон билан танишинг

OnePlus 9 Pro'нинг рендерлари чиқди: янгича дизайнли смартфон билан танишинг

Илгарироқ, OnePlus 9 смартфонининг рендерлари чиққан эди, энди эса OnLeaks қурилманинг Pro версияси рендерлари билан ўртоқлашди.

OnePlus 9 Pro дизайн борасида OnePlus 9 билан деярли бир хил, бироқ Pro версияда экран қайрилган бўлади. Смартфон дисплейи диагоналига 6.7 дюймни ташкил қилиб, селфи камера учун якка тирқиш камера ўрнатилади.

Огоҳлантириш слайдери ва қувват тугмалари ўнг томонда, овоз назорати тугмалари эса чап томонда жойлашган. Орқа панелда бўлса тўртбурчак камера модули ичига тўртта камера ўрнатилганини кўриш мумкин.

Эътибор беринг, бу якуний дизайн эмас, сабаби смартфоннинг прототип босқичи ҳали ҳам давом этмоқда. Шу сабабдан, камера жойлашуви ва дизайннинг бошқа элементлари ўзгариши мумкин.

OnePlus 9 линейкаси ҳақида тарқалган олдинги миш-мишларга кўра, смартфонлар 144Hz янгиланиш частотасига эга экран ҳамда Snapdragon 875 чипи билан жиҳозланиши кутилмоқда. Хитойлик компаниянинг ушбу флагман серия қурилмалари келаси йил март ойида тақдим қилинади. Унга қадар яна кўплаб маълумотлар сиздирилишини кутиб қоламиз.

ЎҚИНГ: OnePlus N10 5G'нинг техник жиҳатлари ва қадоқ таркиби билан танишамиз

Хабарларни тез ва осон ўқиш учун Андроид иловамизни сақлаб олинг.