OnePlus 9RT 600Hz сенсорли намуна олиш частотаси ҳамда махсус совутиш тизимига эга бўлади
Аввалроқ OnePlus 9RT смартфони 13 октябрь санасида тақдим этилиши ҳақида хабар берилган эди. Компаниянинг сўннги тизерида эса смартфоннинг сенсорли намуна олиш частотаси ҳамда совутиш тизими ҳақида маълумот берилди.
ЎҚИНГ: OnePlus 9RT Geekbench'да кўриниш берди
OnePlus 9RT - 600Hz сенсорли намуна олиш частотасига эга бўлган компаниянинг биринчи смартфони бўлади. Компания маълумотларига кўра, экраннинг бу хусусияти сенсорнинг намуна олиш тезлигини 57% га оширади ва слайд кечикиши 47% га яхшилайди. Смартфон OnePlus eSports жамоаси билан ҳамкорликда ишлаб чиқилган бўлиб, у 6.55 дюймли 120Hz Samsung'нинг E4 дисплейи билан жиҳозланади.
Бундан ташқари, смартфон совутиш тизимига эга бўлиб, ушбу тизим беш қатламдан иборат бўлади. Тизим қурилманинг катта қисмини қамраб олади, бу эса ўз навбатида смартфоннинг қизиб кетишини олдини олади.
Янги совутиш тизимида графит қатлам бўлиб, OnePlus 9R смартфонидаги совутиш тизми билан таққослаганда ушбу совутиш тизимнинг иссиқлик тарқалиш самарадорлиги 20 фоизга ошган. OnePlus, шунингдек, смартфон қора ва кумуш рангларда сотувга чиқиши ва 7ГБ виртуал RAM га эга бўлишини таъкидлаб ўтди.
ЎҚИНГ: Redmi Note 11 сериясининг илк тафсилотлари маълум бўлди
