OnePlus’нинг сирли тизери: 2 июлда у қандай смартфон намойиш этади? («жонли» фото ва видео)
Ўзининг «асло қотмас» смартфонлари билан танилган OnePlus компанияси айни дамда асосий эътиборини еттинчи авлод флагманига қаратган. Бу модел истеъмолчилар бозорига тақдим этиладиган дунёдаги илк 5G-смартфонлардан бирига айланиши кутилмоқда.
ЎҚИНГ: OnePlus 7 5G-смартфонларининг бири бўлади
Аммо куни кеча мазкур компания эълон қилган сирли тизер янги маҳсулотнинг тақдимотига ишора қилаётир. Мазкур видеолавҳа ҳам антиқа – «C61422» деб номланган ва унда 2 июль санасига ишора қилинган.
Мана, бирга томоша қиламиз:
Кўпчилик аллақачон «C61422»нинг қизил ранг коди эканлигини англаб улгурган, зеро, видеоролик ҳам шунга ишора қилади. Бунинг устига, инсайдерлар аллақачон алвон тусли смартфоннинг «жонли» суратини ҳам тақдим этишган:
Демак, душанба – 2 июль куни қизил рангли OnePlus 6 тақдимоти бўлишини англаб етдингиз.
Дарвоқе, мазкур компаниянинг амалдаги – OnePlus 6 флагмани энг қиммат нарх тоифасидаги қурилмалар орасида энг яхши смартфон, деб топилганидан хабарингиз бормиди?
