OnePlus Nord CE 2 Lite 5G смартфони чиқмоқда

OnePlus компанияси OnePlus Nord CE 2 смартфонини тақдим этиши ҳақида аввалроқ хабар берилган эди. Янги маълумотларга кўра, ушбу смартфон билан унинг янада оддийроқ версияси - OnePlus Nord CE 2 Lite 5G модели тақдим этилади. 

Қурилма FullHD+ резолюциядаги 6.59 дюймли дисплей, Snapdragon 695 чипи, 33 ваттда қувват олувчи 5,000 мАс сиғимли аккумулятор, 6/8ГБ тезкор ҳамда 128/256ГБ доимий хотирага эга бўлади. 

Камера ҳақида маълумот берадиган бўлсак, смартфоннинг орқа панелидан 64МП, 2МП ва 2МП камералар ҳамда олд панелдан 16МП селфи камера ўрин олади. 

Nord CE 2 Lite 5G модели 11 февраль санасида Nord CE 2 билан бирга тақдим этилиши мумкин. Унинг нархи 300 доллардан кам бўлиши айтилмоқда. 

ЎҚИНГ: realme 9 Pro ва realme 9 Pro+ моделларининг нархи ҳамда сотувга чиқиш санаси маълум бўлди