Оператор билан тезкор боғланиш сирларини биласизми?
Маълум бир сабабдан мобил операторингиз билан тезкор боғланишингизга тўғри келиб қолганида бир неча дақиқа кутишга мажбур бўлишингиз тез-тез учраб турувчи ҳолатдир. Лекин мутахассис билан бир зумда уланишнинг бошқа усуллари борлигидан хабардормисиз? Келинг, ушбу мақолада Ўзбекистондаги мобил операторлар билан навбатларсиз уланиш усуллари ҳақида гаплашамиз.
Одатда, операторланинг махсус қисқа рақамлари банд бўлади. Шунинг учун бошқа усуллар, масалан, 9 хонали рақамларига қўнғироқ қилиш, чат орқали суҳбатлашиш муқобил бўлиб хизмат қила олади.
«Ишончли алоқа мобил оператори»дан бошласак. UzMobile оператори билан uztelecom.uz сайти орқали уланиш мумкин:
«Етакчи. Ишончли. Инновацион» Beeline'да эса альтернативлар нисбатан кўпроқ. Агарда «Status» линейкасидаги тариф режаларидан бирини ишлатсангиз, мутахассис билан мулоқот муаммо эмас. Қисқа 0777 рақами орқали 10 сонияда оператор қўнғироғингизга жавоб беради. Агар бошқа тарифда бўлсангиз, 0611 нинг ўрнини онлайн консультант билан чат боса олади. Бундан ташқари, Telegram консультант ҳам мавжуд. 0621 рақамига SMS орқали савол йўллаш имкони ҳам бор, лекин бу хизмат, одатда, секин ишлайди. Жавобни бир неча соатгача кутишингизга тўғри келиши ҳам мумкин.
Сир эмаски, чет ҳудудларда интернет сифати қониқарли эмас, чат орқали мулоқот ҳам бу ҳудудларда шунга яраша бўлади. Бундай ҳолларда ҳеч иккиланмай +998 90 185 00 55 рақамига сим қоқаверинг.
Яқинда номини ўзгартирган Mobiuz билан эса +998 97 130 09 09 рақами орқали боғланиш мумкин. Бунинг учун кўпи билан 2 дақиқа вақт керак бўлади.
«Ҳаётни яхшилик сари ўзгартир»аётган Ucell билан эса исталган вақтда тезкор уланмоқчи бўлганлар +998 93 180 00 00 рақамига мурожаат қилишлари мумкин. Лекин, очиғи, биз бу рақамга боғланишга ҳаракат қилганимизда, барча операторлар банд эканлиги айтилди.
Perfectum билан эса тезкор боғланишнинг нисбатан кўп усули бор. Бунинг учун +998 98 127 00 77, +998 98 305 11 11 ёки пуллик 099 рақамлари орқали мурожаат йўллашингиз мумкин. 099 билан алоқанинг ҳар бир дақиқасига 84 сўм тўлайсиз.
ЎҚИНГ: Beeline: интернет-трафик энди куймасдан, кейинги ойга ўтади
