OPPO 5 карра яқинлаштирувчи илк камерани тақдим этди
Испанияда ўтган Жаҳон Мобиль Конгрессида Хитойнинг OPPO компанияси 5x Dual Camera Zoom технологиясини намойиш қилди. Хитой смартфон бозорининг етакчиси ҳисобланган OPPO беш каррали зум (яқинлаштириш) технологиясига эга қўш объективли камера технологияси бугунгача ихчам шаклдаги фотокамераларда мавжуд эди.
Oppo 5x Dual Camera Zoom – 5 каррали зумга эга жаондаги илк қўш камера бўлиб, худди шундай объективли, фақат объектни 3 маротаба яқинлаштириш имконига эга ZenFone Zoom смартфони сал аввалроқ тақдим қилинган.
Камерадаги бош модуль «перископ», яъни дурбинсимон оптик қурилма тасвирни 3 маротабагача яқинлаштиради. У ётиқ ҳолатда жойлаштирилган ва тасвирни махсус ойна орқали тик кўринишда узатади. Шунингдек, бу технология жами 50 та кичик деталлардан иборат бўлса ҳам, камера ҳажми ҳам ихчам бўлиб, 5,7 мм.ни ташкил қилмоқда. Бу эса уни ўта юпқа корпусли смартфонларга ҳам жойлаштириш мумкинлигини англатади.
Oppo 5x Dual Camera Zoom’да оптик барқарорлаштирувчи теле-фотообъектив мавжуд. У билан ёнма-ён жойлашган кенг бурчакли объектив ёрдамида муайян манзарани 5 маротаба яқинлаштириб, тасвирга олиш мумкин бўлади. Ҳозирча бу камера ўрнатиладиган илк смартфон номи маълум эмас.
Қуйидаги мисоллрда янги камера технологиясида олинган суратларни мавжуд технологияга эга рақибалрида олинган суратлар билан таққосланг.
