Oppo барчани доғда қолдириб, экраности камерали илк смартфонни намойиш этяпти!
Жорий ойнинг бошида Xiaomi компанияси Mi 9 (сотиб олиш) смартфонига дисплейи остига яширилган олд камерани «жонли» видеода ишлатиб кўрсатганди. Яна бир смартфонсоз – Oppo ҳам шу куниёқ айнан шундай технологияга эга смартфон прототипининг «жонли» видеосини тарқатди.
ЎҚИНГ: Oppo дунёдаги илк - ҳам букилувчан, ҳам камераси корпусдан чиқувчи смартфонни патентлади! (+Render)
Кейинги ҳафтада, яъни 26–28 июнь кунлари Шанхай шаҳрида Mobile World Congress 2019 кўргазмаси бўлиб ўтади. Oppo унинг биринчи кунида ўша – селфи-камераси экран остига яширилган смартфонини тақдим этмоқчи. Бу ҳақдаги тизерни компания ўзининг Twitter саҳифасида эълон қилди.
Oppo вице-президенти Брайан Шен (Brian Shen) яқинда Weibo тармоғида шу технология ҳақида пост ёзганди. Унинг таъкидлашича, мазкур босқичда экраности камера оддий камераларга таққослаганда айрим камчиликларга эга.
Шунга қараганда, Oppo’нинг мазкур ишланмаси ҳали оммавий ишлаб чиқаришга тайёр бўлмаслиги ҳам мумкин. Лекин нима бўлганда ҳам, 26 июнда компания намойиш этадиган технология қизиқ бўлади – воқеалар ривожини Terabayt.uz билан бирга кузатишда давом этинг.
