Oppo дунёдаги илк - ҳам букилувчан, ҳам камераси корпусдан чиқувчи смартфонни патентлади! (+Render)
Oppo анчадан буён букланадиган смартфонлар устида ишламоқда, хусусан Mobile World Congress 2019 кўргазмасида ҳам шундай моделнинг илк прототипини кўрсатган эди. Бугун эса голландиялик манбаа компаниянинг яна бир букланувчи модели рендерларини эълон қилди. Унинг ўзига хослиги корпус ичидан чиқувчи камерага эгалиги бўлган.
ЎҚИНГ: «Жонли» видео: Oppo ҳам селфи-камераси дисплей остига яширилган смартфон тайёрлади!
Деярли барча букламафонлар оддий камераларга эга бўлаётган бир вақтда, биринчи бўлиб корпус ичидан чиқувчи механизмга жойлашган камерага эга бўлиши мумкин. Манбаанинг ёзишича, Бутунжаҳон интеллектуал мулк ташкилоти(World Intellectual Property Organization, WIPO) га топширилган патент аризаси маълумотлари асосида янги қурилманинг дизайнини акс эттирувчи бир нечта рендерлар билан тўлдирилган.
Корпуснинг буклана олиш хусусияти иккита камера қўйишга хожат қолдирмайди – смартфонни қайси тарафга буклашдан қатъий назар, олд томонда ўзингизни ёки суратга олиш керак бўлган объектни кўраверасиз. Ушбу ҳолатда биргина камера ҳам барчасини эплай олади.
Афсуски, хозирча ушбу моделнинг қачон ишлаб чиқарилиши аниқ эмас. Агар шу йили чиққан тақдирда ҳам, камида кузгача кутишга тўғри келади.
ЎҚИНГ: Иккинчи уриниш: Samsung Galaxy Fold ҳам Huawei Mate X билан бир вақтда сотувга чиқади
