Oppo Nokia 9 PureView версиясини чиқармоқчими?
Афтидан, Хитойнинг Oppo компанияси камида етти камерага эга смартфонни чиқариш имкониятларини ўрганмоқда.
Яқинда пайдо бўлган фотосуратлар бу тахминларни тасдиқлайди ва орқа панелда улкан камера блокига эга смартфоннинг ғайриоддий концепциясини очиб беради. Расмлар Хитойнинг энг йирик патент идораси - Интеллектуал мулк миллий админстрацияси веб-сайтидан топилган.
Oppo ушбу ечим билан смартфон дизайнининг иккита мисолини тақдим этди. Улар фақат камера блоки жойлашган панель шаклида ва чироқ жойлашувида фарқланади. Таклиф этилаётган смартфоннинг олд томони орқа томонидан анъанавийроқдир - бу эрда чиройли тирқишга жойланган битта олд камерани кўрамиз.
Албатта, гўзаллик - бу субъектив масала, аммо технолог учун бундай камералар блоки амалда ўзини қандай кўрсатиши қизиқроқ. Барча фотосуратлар шунчаки концепция эканлигини ҳисобга олиб, компания ишлайдиган прототипни намойиш этишга тайёр эканлиги даргумон.
Oppo янги қурилмасининг дизайни қанчалик ғалати кўринмасин, Хитой ишлаб чиқарувчиси шунчаки жорий трендларни ҳисобга олган ҳолда ривожланмоқда. Смартфон камералари сони эса йилдан йилга ортиб бормоқда.
Смартфон ишлаб чиқарувчилари ўзларининг рекламаларида нима дейишидан қатъи назар, барибир физикага қарши чиқа олишмайди. Профессионал камералар билан таққослаганда мобил сенсорлар ҳали ҳам кичкиналигича қолмоқда. Натижада, уларнинг ёруғлик йиғиши ёмонлашади, шунинг учун смартфон техник жиҳатдан кўпроқ ёрқин ва юқори сифатли расм олишда ожиздир.
Эҳтимол, ушбу қурилма компаниянинг бошқа кўплаб концепциялари сингари ёруғликни умуман кўрмас, аммо шуниси қизиқки, Oppo кўп сонли сенсорлар ғоясини тарғиб қилишга қарор қилса, Nokia'нинг муваффақиятсиз Nokia 9 PureView ҳақидаги ғоясини муваффақиятлига айлантира олармикан.
ЎҚИНГ: Dimensity 1000 процессорли илк 5G-смартфон – Oppo Reno 3 тақдим этилди
