Oppo R15S ҳақида қизиқ маълумотлар пайдо бўлмоқда
Хитойнинг TENAA сертификациялаш бюроси маълумотлар базасида яна бир янги смартфон Oppo пайдо бўлди. Ҳизирча у Oppo R15S’га ўхшаяпти.
TENAA берган маълумотда айтилишича, янги қурилма PABT00 ва PABM00 рақамли модель версиясига эга бўлади. Ташқи томондан қурилма Oppo R15’ни эслатиб юбораяпти, фақат битта фарқи бор — орқа томонида бармоқлар изи сканери йўқ. Балки, у Xiaomi Mi 8 Explorer Edition ёки Vivo NEX Ultimate’даги каби экран остига ўрнатилар.
ЎҚИНГ: OPPO Find X: флагманнинг хусусиятлари ўзгача
Бундан ташқари, янги қурилма 6.2-дюймли дисплей ва сиғими билан 4100 мАч бўлган батарея билан таъминланади. Афсуски, процессори ҳақида маълумот берилмаган, лекин тахмин қилинишича, у SoC Snapdragon 660 ёки яқинда намойиш қилинган Snapdragon 710 бўлади. Шунингдек смартфон 4/6 ГБ ОЗУ ва 128/256 ГБ ПЗУ билан ҳам жиҳозланган бўлиши мумкин.
Янги қурилманинг тақдим этилиш санаси ҳақида ҳозирча хабар берилмади. Айни пайтда Хитой ишлаб чиқарувчиси ўзининг Oppo Find X флагманининг тақдимотига тайёргарлик кўрмоқда, у эрта-индин Париж шаҳрида бўлиб ўтиши керак. Сайтимизни кузатиб борсангиз, бу ҳақда албатта, хабар берамиз.
ЎҚИНГ: OPPO тайёрлаган – дисплейдаги дактилоскопик датчик дунёда тенгсиз!