OPPO R17 Pro тақдим этилди: уч модулли камера, ўта тез қувватланувчи иккита аккумулятор ва датчикли экран!
OPPO R17 Pro тақдим этилди: уч модулли камера, ўта тез қувватланувчи иккита аккумулятор ва датчикли экран!
Кейинги пайтларда турли инновацияларга бой моделлари билан ўзини кўрсатаётган хитойлик смартфонсоз ўзининг OPPO R17 смартфонини тақдим этганлиги ҳақида ёзган эдик. Ушбу компания мазкур моделнинг «Pro» версиясини ҳам намойиш этди.
ЎҚИНГ: Датчикли экранга эга, 510 долларлик Oppo R17 селфифони чиқди!
OPPO R17 Pro моделининг диагоналига 6,4 дюймлик экрани 2340х1080 пикселли бўлиб, корпус олд юзасининг 91,5% қисмини эгаллаган. Дисплейнинг тепа қисмидаги «ўйиқ» ҳам iPhone X услубида эмас, балки томчисимон шаклда. Ушбу миттигина «кемтик»да селфи-камера жойлашган.
Шунингдек, бармоқ изи сканери ҳам экраннинг ўзига интеграция қилинган.
Смартфоннинг самарадорлигини 2,2 ГГц такт частотасига эга бўлган саккиз ядроли Snapdragon 710 процессори таъминлаб беради. Тасвирларнинг тезкорликда қайта ишланиши учун эса Adreno 616 график чипи масъул.
ЎҚИНГ: Oppo уч камерали смартфонини намойиш қилди
Флагманнинг тезкор хотираси 8 ГБ, ички хотираси эса 128 ГБ ҳажмга эга, аммо қўшимча хотира картаси учун жой йўқ.
OPPO R17 Pro гаджетининг асосий камераси учта объективли: 12 мегапикселли (f/1,5 – f/2,4) асосий модул, 20 мегапикселли (f/2,6) ёрдамчи сенсор ҳамда уч ўлчамли сканерловчи TOF 3D датчиги. Олд камера ҳам селфи ишқибозларини шод этиши тайин – нақ 25 мегапикселли сенсор. Тағин, барча камера модуллари «сунъий идрок» функциясини қўллаб-қувватлаб, тасвирларни таниб олишга ҳамда кадрларни кейин қайта ишлашга қодир. AI Super Clear Engine технологияси эса унга яхши ёритилмаган шароитларда ҳам сифатли суратлар олиш имконини беради.
Қизиғи, компания бу смартфонига иккита аккумулятор ўрнатган, уларнинг жами ток сиғими 3 700 мА/соатга тенг. SuperVOOC Flash Charge технологияси туфайли эса батареяни 10 дақиқада 40 фоизга тўлдириш мумкин.
OPPO R17 Pro учун 625 АҚШ доллари миқдорида нарх белгиланган; унинг Хитойдаги савдоси октябрнинг ўрталарида бошланади. Эҳтимол, ўшанда уни онлайн савдо платформалари орқали харид қилиш мумкин бўлар. Агарда онлайн харид борасида тажрибангиз етарли бўлмаса, у ҳолда товарларга «Terabayt.uz» сайтимиз орқали буюртма бериш имкони ҳам мавжуд.
ЎҚИНГ: AliExpress’даги товарларга «Terabayt.uz» орқали буюртма беринг!
