Оқ чойнакка кўк қопқоқ, кўк чойнакка оқ қопқоқ

Оқ чойнакка кўк қопқоқ, кўк чойнакка оқ қопқоқ

Ўтган йили Кен Пиллонел USB-C портига эга дунёдаги биринчи iPhone'ни яратиб, уни eBay онлайн дўконида 86,000 долларга сотишга муваффақ бўлган эди. Бу йил эса швейтсариялик муҳандис ўз ишининг тескарини, яъни Android смартфонига Apple'нинг Lightning портини ўрнатишга қарор қилди.

Пиллионел тажриба учун Samsung Galaxy А51 смартфонидан фойдаланган ва унинг айтишича бу техник жиҳатдан жуда қийин бўлган, лекин у муваффақиятга эришган. Ўрнатилган Apple Lightning порти тўлиқ ишламоқда. Янги порт билан смартфонни нафақат қувватлаш, балки, маълумотларни улашиш ҳам мумкин.

"Бу ўзгача фикрлашни талаб қиладиган мураккаб модификация эди. Apple томонидан сотиладиган Lightning кабеллари "тентак" эмас. Улар фақат Apple қурилмаларини заряд қилади. Шундай қилиб, мен кабел ўзини "Apple қурилмасига уланганман" деб ўйлаши учун йўл топишим ва уни телефон ичига сиғдиришим керак эди.

Мен буни икки сабабга кўра USB-C билан ишлайдиган биринчи iPhone'га қараганда осонроқ бўлди деб айта оламан. Биринчидан, мен бу ишда яхшиланиб бормоқдаман, чунки мен ҳар куни янги нарсаларни ўрганяпман, шунинг учун умид қиламанки, мен бу модларни янада тезроқ тугатаман. Иккинчи сабаб эса - тайёр маҳсулот сифати iPhoneдан умуман бошқача.

Мен ақли расо одамлар ўз қурилмаси билан бундай қилишини хоҳламайман. Бу шунчаки қизиқиш учун эди ва мен буни уддалай оламанми ёки йўқлигини кўрмоқчи эдим." дейди Кен Пиллионел.

ЎҚИНГ: Тоза мусиқа ва тоза ҳаво

Terabayt.uz сайтининг видеолари: Youtube'даги каналимизда!