«Оқ хакер» Цукербергнинг акккаунтини бузишдан воз кечди – Facebook унинг «оғзини мойлади»!

28 сентябрь куни тайванлик «оқ хакер» Чан Чи-янь антиқа даъво билан чиқди: 30 сентябрда у Facebook асосчиси ва раҳбари Марк Цукербергнинг айни шу платформадаги саҳифасига ҳужум қилиб, уни ўчириб ташлшини айтди! Тағин, ушбу жараённинг ўз Facebook-аккаунти орқали жонли эфирга узатиб туришини ҳам оммавий тарзда эълон қилди.

ЎҚИНГ: БУНАҚАСИ БЎЛМАГАН: «оқ хакер» Цукербергнинг Facebook-саҳифасини шу тармоқдаги жонли эфирда бузиб ташлашга сўз берди!

Лекин бугун – 29 сентябрда маълум бўлишича, Чан Чи-янь бу ниятидан кечганини, Марк Цукербергнинг Facebook-саҳифасини бузмаслигини айтган. Чунки ижтимоий тармоқ маъмурияти у билан келишган ва «оқ хакер» ҳимоядаги «тирқиш» ҳақидаги маълумотни рағбатлантириш эвазига уларга тақдим этган.

Аммо Facebook’да бошқа бир носозлик бўлганини дунё бўйлаб кўпчилик пайқаган: кўплаб фойдаланувчилар ўз аккаунтларига қайтадан киришга мажбур бўлишган. Бунинг сабаби шундаки, 25 сентябрда дастурчилар ижтимоий тармоқ ҳимоясидаги «туйнук»ни аниқлашган. Хакерлар ушбу носозликдан фойдаланиб, сақланган сессиялар орқали юзерларнинг аккаунтларига киришлари мумкин экан. Шунинг олдини олиш учун Facebook вакиллари 90 миллионта аккаунтнинг сақланган сессияларини узишган. Яъни, шу фойдаланувчилар ўзларининг Facebook логин-пароллари сақланган қурилмаларда паролни қайтадан териб киришга мажбур бўлишган – бор гап шу.

Facebook вакилларининг аниқлашларича, тайванлик «оқ хакер» Чан Чи-янь ушбу заифликдан фойдаланмаган.

ЎҚИНГ: Хакерлар ҳатто Павел Дуров аккаунтиниям бузиб киришди!