Ўрта нархли энг зўр ўнта смартфон (AnTuTu рейтинги, 2020 йил март)

  •   DiMaX
  •  2146
  •  04.04.2020 11:15

Ўрта нархли энг зўр ўнта смартфон (AnTuTu рейтинги, 2020 йил март)

Кечагина биз AnTuTu бўйича Android тизимли энг кучли смартфонларнинг навбатдаги рейтингини эълон қилган эдик. Мазкур бенчмарк жамоаси яна ўрта нарх тоифасига мансуб смартфонларнинг ҳам ТОП-ўнталигини тақдим этган.

ЎҚИНГ: ТОП-10: Бу гал энди энг кучли смартфонлар бошқа! (AnTuTu рейтинги, 2020 йил февраль)

Ушбу рўйхат ҳам 2020 йилнинг март ойи мобайнида ушбу бенчмаркда хитойлик фойдаланувчилар томонидан текшириб кўрилган қурилмаларнинг умумий баллари асосида тузилган.

Энг зўр флагманлар рейтингида Oppo компаниясининг Find X2 Pro флагмани 606 389 балл билан тахтга чиққан бўлса, ўрта нархли смартфонлар етакчиси ҳам шу ишлаб чиқарувчига тегишли. MediaTek Dimensity 1000L процессорли Oppo Reno 3 5G ушбу рўйхатда 407 340 балл билан биринчи ўринда турибди.

Иккинчи ўринда Exynos 980 чипсети базасига қурилган Vivo X30 5G турган бўлса, кучли учликни Snapdragon 765G процессорли Redmi K30 5G якунлаб берган. Кейинги поғоналарда тегишлича Oppo Reno 3 Pro 5G, Honor 9X Pro, Huawei Nova 6 SE, Honor 9X, Honor 20S, Nova 5i Pro ва Redmi Note 8 Pro моделлари келган.

ЎҚИНГ: AnTuTu’да «Сайёранинг энг қудратли смартфони»ни ҳам «ер тишлатган» янги қирол!

Terabayt.uz сайтининг видеолари: Youtube'даги каналимизда!