Ортга назар: 5G тармоғига эга бўлган энг биринчи смартфонлар

Ортга назар: 5G тармоғига эга бўлган энг биринчи смартфонлар

5G тармоғи айни вақтда смартфонлардаги янги технология деб юритилади. Бироқ ушбу янги технологияга эга бўлган биринчи смартфоннинг тақдим этилганига икки йилдан ошди. Баъзи давлатларда 5G тармоғи энди йўлга қўйилаётган бўлса, баъзи давлатларда 5G умуман мавжуд эмас. Аммо бу ҳолатлар 5G тармоғига эга бўлган смартфонларнинг ишлаб чиқарилишига тўсқинлик қилмаяпти.

ЎҚИНГ: Ортга назар: Bluetooth ва унинг ривожланиш босқичлари

Келинг, яхшиси 2019 йилнинг бошига қайтамиз. Айнан ўша йилнинг февраль ойида биринчи 5G тармоғига эга бўлган Galaxy S10 5G смартфони тақдим этилди. Смартфон тақдимотдан икки ой ўтиб, аниқроғи, апрель ойида сотувга чиқди. Жанубий Кореядаги дўконларда қурилма 5 апрель санасидан сотила бошлади. Худди шу кун Verizon талқининидаги смартфоннинг савдоси Қўшма Штатларда бошланиши керак эди. Бироқ айрим муаммолар сабаб смартфонга олдиндан буюртма бериш 25 апрелдан бошланди.

Шунингдек, LG компанияси V50 ThinQ 5G смартфонини 16 апрель санасида тақдим этди. Унинг савдоси эса 11 майдан бошланди. Oppo компанияси ҳам Reno 5G моделини май ойида сотувга чиқарди.

Иккала смартфон ҳам Snapdragon 855 чипида ишлар эди. Бироқ ушбу чип 5G тармоғига эга эмас эди. 5G учун смартфонлар X50 модемига эга бўлиши керак эди. Шунинг учун, ишлаб чиқарувчилар ўз вақт жадвалларини ўзгартиришга мажбур бўлишди.

Galaxy S10 5G смартфонининг савдоси Буюк Британияда июнь ойининг бошида, АҚШда июнь ойининг ўрталарида, Германияда эса июнь ойининг охирида бошланди.

ЎҚИНГ: 3G ва 4G'нинг нима фарқи бор?

Смартфон ҳажми анча катта бўлиб, у 6.7 дюймли Dynamic AMOLED дисплейи билан жиҳозланган. Таққослаш учун, Galaxy S10+ смартфони 6.4 дюймли дисплейига эга бўлган. Бундан ташқари, унинг вазни ҳам бир мунча оғир бўлиб, 198 граммни ташкил қилади. Ушбу смартфонга бир нечта янги функциялар ва имкониятлар қўшилган. Бунга 25 ватт қувватлаш технологияси, 3D сатҳ сенсорини мисол қилиб кўрсатиш мумкин.

Такомиллашган камералар ҳамда 3D сенсори билан ўша вақтда S10 5G смартфони DxOMark рейтингида етакчи бўлган.

Қолган S10 сериясидаги смартфонлардан фарқли ўлароқ, S10 5G'да хотирани кенгайтиришнинг имкони бўлмаган.

АҚШ учун ишлаб чиқарилган S10 5G смартфонларига Snapdragon 855 ҳамда X50 модемлари ўрнатилган. Бироқ халқаро бозор учун ишлаб чиқарилган смартфонларни компания ўзининг Exynos 9820 ҳамда Exynos 5100 модеми билан жиҳозлаган.

Qualcomm ва Samsung модемлари mmWave тўлқинини қўллаб-қувватлайди, бу юқори частотали диапазонларда ишлайдиган 5G модем бўлиб, у кўпроқ маълумотни таший олади, лекин қабул қилиш билан боғлиқ муаммоларга дуч келади, чунки унинг тўлқинини ҳатто дарахтлар ҳам тўсиб қўйиши мумкин.

Таққослаш учун, назарий жиҳатдан Snapdragon Х50 модемининг тармоқдан юклаш максимал тезлиги 7,5 Гбит/секундни, тармоққа юклаш тезлиги эса 3.5 Гбит/секундни ташкил қилган. Ўша пайтдаги X24 LTE модемининг максимал тезлиги 3 Гбит/секундгача борган. mmWave тўлқинига эга 5G Х65 модемининг тезлиги 10 Гбит/секунддан ошган.

Албатта, булар фақатгина назарий фактлардир, амалда натижалар бундан пастроқ бўлиши мумкин. Кореянинг SK Telecom компанияси идеал шароитларда Galaxy S10 5G смартфонидан фойдаланиб, 5G модем тезлигини синаб кўрди. Тезлик 2.63 Гбит гача кўтарилди.

Сўз якунида 2018 йилда тақдим этилган 5G смартфонини эслатиб ўтиш лозим. Нега у биринчи ишлаб чиқарилган 5G смартфони бўла олмаган? Хўш, ўша йили Motorola компанияси Moto Z3 смартфонини тақдим этган эди.

Унда 5G режими бор бўлган, аммо 5G модемлари 2019 йилнинг 11 апрелидан сотувга чиқишни бошлади. Бу вақтда эса Samsung Жанубий Кореяда Galaxy S10 5G смартфонига олдиндан буюртмалар олишни аллақачон бошлаб юборган эди.

ЎҚИНГ: Ортга назар: Galaxy A сериясининг энг яхши смартфонлари

Хабарларни тез ва осон ўқиш учун Андроид иловамизни сақлаб олинг.