Ортга назар: Galaxy A9 (2018) тўртта орқа камерага эга бўлган дунёдаги биринчи смартфон
2014 йилда HTC M8 смартфони тақдим этилди. Ушбу смартфоннинг бошқа смартфонлардан фарқи шунда эдики, у иккита орқа камерага эга эди. Бундай иккита камералик смартфонлар 2016-2017 йиллардан оммалашишни бошлади. Кейинги йиллардан эса учта камерали смартфонлар пайдо бўлишни бошлади.
2018 йилда эса Samsung тўртта орқа камерага эга бўлган Galaxy A9 моделини сотувга чиқарди. Смартфон камералар бўрасида хилма-хилликка эга бўлиб, турли хил вазифаларни бажарувчи камераларни ўзида мужассамлаштирган эди.
Келинг, яхшиси камеранинг техник кўрсаткичларига эътибор қаратамиз.
Асосий камера: 24МП, f/1.7, 4К 30 кадр/секунд видео ёзиш имконияти.
Ультракенг камера: 8МП, 120 градус кўриш бурчаги.
Телефото камера: 10МП, 2х оптик зум
Сатҳ камера: 5МП
2016 йилда тақдим этилган LG G5 смартфонида ультракенг камера пайдо бўлди. Шунда ультракенг камера объективи ҳам муҳим эканлиги англаб етилди. Кўп ўтмай смартфонлар камера модулида телефото камералар кўриниш беришни бошлади.
2018 йилда сотувга чиққан LG V40 ThinQ смартфони 107 градус кўриш бурчагидаги ультракенг камера, 78 градус кўриш бурчагидаги асосий камера ва 45 градус кўриш бурчагидаги телефото камера билан жиҳозланган илк смартфон бўлган.
Смартфонда, шунингдек, 90 ва 80 градус кўриш бурчагидаги иккита селфи камера ҳам бўлган. Шундан қилиб, LG V40 ThinQ бешта камерага эга бўлган биринчи смартфон ҳисобланади. Қурилмада камералар жойлшуви 3+2 бўлган, яни учтаси орқа панелда уч хил турдаги камералар, иккитаси олд панелдаги селфи камералардир. Galaxy А9 модели эса 4+1 камералар жойлашув тартибига эга.
Сатҳ сенсор одатда маркетинг мақсадида смартфонга ўрнатилади. Портрет суратларни дастурий таъминот ёрдамида ҳам амалга ошириш мумкин. Хусусан, флагман смартфонларда бундай камерани учратмаймиз. Одатда бюджет смартфонларга сатҳ камера ўрнатилиб, умумий камералар сонини оширган ҳолда харидорларнинг смартфонга бўлган қизиқиши оширилади.
Бугунги қаҳрамонимиз Galaxy A9 (2018) қурилмасида ҳам сатҳ камера мавжуд. Galaxy А9 камерафон дейиш мумкин. Бироқ унинг камераларининг сифати флагман смартфонлар даражасида эмас.
Камера смартфон асосий жиҳати бўлса-да, унинг бошқа техник кўрсаткичлари ҳақида ҳам эслатиб ўтиш зарур. Қурилмага 6.3 дюймли юқори сифатли Super AMOLED дисплейи ўрнатилган бўлиб, у sRGB, Adobe RGB ва PCI-P3 ранг имкониятларини қўллаб-қувватлайди. Ўша вақтда Galaxy Note ва S моделларини ҳисобга олмаганда A9 (2018) энг яхши дисплейга эга бўлган смартфон эди.
Қурилма, шунингдек, 14 нанометрлик Snapdragon 660 чипи билан жиҳозланган бўлиб, унда тўртта Kyro 260 Gold ядро ва тўртта Silver ядролари бўлган. 6/8ГБ тезкор, 64/128ГБ доимий хотирага интеграллашган чипсет Adreno 512 график процессорини ҳам ўз ичига олади.
Смартфон хотирасини microSD картаси билан кенгайтириш мумкин. Snapdragon 660 эса ўша вақтлар энг кучли ўрта тоифадаги чиплардан бири бўлган. Қурилмага 3,800 мАс сиғимли аккумулятор ўрнатилган. Ўтказилган тестларда аккумулятор автономлик вақти 88 соатни ташкил қилган. Бу смартфон учун жуда яхши кўрсаткич.
Galaxy A9 (2018) смартфони 470 евро нархда сотувга чиққан. Ўрта тоифадаги смартфон учун бу кўп туйилиши турган гап. Аммо смартфондаги камералар ва Super AMOLED дисплейини ҳисобга олсак, смартфон ўз нархини қисман оқлайди дея оламиз.
A9 (2018) ғояси жуда яхши эди, аммо ушбу ғоя компания томонидан яхши амалга оширилмаган. Гарчи флагман смартфон ҳисобланса-да, ўша вақтдаги Galaxy S9+ ва Note9 моделларида А9'дагидек телефото ва ультракенг камералар бўлмаган. Албатта, ушбу смартфоннинг Galaxy қурилмалари орасида ўз ўрни бор.
