Ортга назар: iPhone 6 - Apple ҳалигача фойдаланадиган дизайндаги смартфон

Hasanboy
695
15.03.2022 09:50

Ўтган ҳафтада Apple янги iPhone SE (2022) моделини тақдим этди. Ушбу смартфон SE сериясининг учинчи авлоди ҳисобланади, биринчи авлод эса бундан етти йил олдин тақдим этилган. 2016 йилги iPhone SE ўз дизайни билан янги моделга умуман ўхшамайди.

iPhone 6 эса ҳатто биринчи авлод SE моделидан ҳам олдинроқ (2014 йил) тақдим этилган. Биринчи авлод iPhone SE эса 2012 йилги iPhone 5 дизайни асосида яратилган. Агар икки қурилмани ёнма-ён жойлаштирилса, уларнинг ўртасидаги фарқ умуман сезилмайди.

Худди шундай ўхшашлик iPhone 6 ҳамда iPhone SE (2022) моделлари ўртасида ҳам мавжуд. Иккала смартфоннинг ўлчамлари деярли бир хил, иккиси ҳам 750х1334 пиксел резолюциядаги 4.7 дюймли дисплейга эга.

Экран атрофидаги қалин рамкалар ҳамда Touch ID вазифасини бажарувчи Home тугмаси сақланиб қолган. iPad планшетларида ҳам олд ёки ён томонда жойлашган бармоқ изи сканерлари мавжуд. Бироқ юқори даражада iPhone моделларидан (iPhone Х'дан бошлаб) Apple Touch ID тизимини олиб ташланган. Шундан бери компания томонидан ўз смартфонларига бармоқ изи сканери ўрнатиш, дисплей юқори қисмида жойлашган Face ID модулидан воз кечиб, юмалоқ тирқишли селфи камерага ўтишга уриниш бўлмади.

Бармоқ изи сканеринг афзаллик томонлари Face ID тизимига қараганда кўпроқ. Мисол учун, пандемия даврида ниқоб таққан фойдаланувчини Face ID тизими “танимади“. Шунингдек, бармоқ изи сканеридан фойдаланиш Face ID'дан кўра осонроқ.

Йиллар давомида ушбу дизайн кичик ўзгаришлар билан ўзгариб борди. iPhone 6 моделида антенна чизиқлари бор. Бу iPhone 8 моделдан олиб ташланган. iPhone 6'нинг орқа панели алюминий билан қопланган. Бу эса смартфонга турли сигналларни келишини тўсиб қўяди. Чизиқлар эса сигнални ушлашга ёрдам беради. iPhone 8'нинг орқа панели шиша билан қопланган. Табиийки, антенна чизиқларига талаб бўлмагани учун у смартфондан олиб ташланган.

Ўзгаришлар SE моделида ҳам давом этади. Масалан, у IP67 стандартига эга бўлди. Янги SE эса мустаҳкам Ceramic Shield шишаси билан ҳимояланган. Бу iPhone 6 моделининг экранидаги шишага қараганда анча бардошлироқ.

2014 йилда тарихда биринчи марта Apple иккита смартфонни (iPhone 6 va 6 Plus) бир вақтнинг ўзида тақдим этди. iPhone 6 Plus оддий моделга қараганда бироз каттароқ, яъни 5.5 дюймли дисплей ҳамда 2915 мАс сиғимли аккумуляторга эга бўлган.

Иккинчи камера эса илк бор iPhone 7 Plus моделига ўрнатилган. iPhone 6 Plus оптик тасвир барқарорлаштиргич (OIS) функциясига эга бўлган биринчи iPhone бўлган. Бу Plus моделга оддий моделга қараганда яхшироқ видео ёзишга имкон берган. Бироқ иккала модель ҳам 1080p 60 кадр/секунд форматда видеога олишга қодир бўлган. Аввалги iPhone 5s фақатгина 30 кадр/секунд билан чекланган эди.

Кўпчилик янги iPhone SE моделида иккичи камера бўлишини кутган эди. Бироқ компания iPhone 6 дизайнидан узоқлашмади. Албатта янги модель яхшироқ камерага эга. Мисол учун, унинг камера резолюцияси баландроқ - 12МП (iPhone 6'да 8МП), диафрагма ҳам ёрқинроқ f/1.8 (iPhone 6'да f/2.2), бундан ташқари, учинчи авлод SE модели OIS функциясига эга. Apple A15 Bionic эса қурилмани юқори унумдорлик билан таъминлайди.

Шунингдек, селфи камера резолюцияси ҳам 7 мегапикселга ошган. iPhone 6 моделларида бу 1.2 мегапикселни ташкил қилар эди. Янги iPhone моделларига (iPhone 11'дан бошлаб) кенг линзага эга бўлган 12МП селфи камера ўрнатилиб келмоқда.

Юқорида A15 Bionic чипи ҳақида сўз юритдик, ушбу чип 5G тармоғини қўллаб-қувватлайди. Бу эса SE модели учун янгилик. iPhone 6 тақдим этилганда 4G нисбатан янги функция эди. Даставвал у 2012 йилги iPhone 5 моделида пайдо бўлган.

NFC ҳам биринчи марта iPhone 6 моделларида пайдо бўлган. Бироқ ушбу функция Android смартфонлар каби кўплаб имкониятларга эга бўлмаган ҳамда фақатгина Apple Pay билан ишлаган.

iPhone 6 корпуси тўлиқ алюминийдан ишланганлиги учун бир неча муаммоларни келтириб чиқарган. Мисол учун, смартфоннинг эгилиб кетиши. Бу ҳолатда экран платадан узилиб смартфоннинг ишдан чиқишига ҳам олиб келган. Қурилмадаги яна бир муаммо бу Touch ID тизимининг яхши ишламаслигидан келиб чиққан.

Чипсетга қайтадиган бўлсак, Apple А8 компаниянинг 64 битли процессорга эга иккинчи чипсетидир (iPhone 5'даги А7 биринчи). iPhone 6 моделлари 3.5 аудио жек билан жиҳозланган энг сўнгги Apple қурилмалардан бири бўлган. iPhone 7 ва ундан кейинги моделларидан аудио жек олиб ташланган. Янги iPhone SE (2022) стерео динамик билан жиҳозланган бўлса, iPhone 6 фақатгина битта динамикка эга бўлган.

iPhone 6 сотувга чиққандан бир ҳафта ўтиб нақ 10 миллион дона сотилган. Кейинги ҳафтада эса ушбу сон 13 миллионга етган. Ушбу вақтда смартфон ҳали асосий бозор ҳисобланувчи Хитойга кириб бормаган эди.

Шуни таъкидлаш керакки, iPhone SE (2022) модели дизайн жиҳатидан iPhone 6'га ўхшайди. Тўғри, iPhone 8 янги моделга кўпроқ ўхшаши мумкин, бироқ ушбу дизайндаги илк смартфон бундан саккиз олдин яратилган iPhone 6 ҳисобланади. Йиллар давомида эса Apple ушбу дизайнга кичик ўзгартиришлар киритиб келмоқда.