Ортга назар: McLaren, Aston Martin, Ferrari ва Land Rover машиналари номидаги телефонлар
Ноодатий телефонлардан бироз чекинган ҳолатда, ушбу мақоламизда автомобиль маркалари номидаги гаджетларга эътибор қаратамиз. Бундай телефонлар кўп йиллардан буён мавжуд бўлиб, ҳали ҳам машҳурдир.
ЎҚИНГ: Ортга назар: кутилмаган брендлардан ноодатий телефонлар
Мисол учун, OnePlus компанияси бир нечта McLaren Edition'инидаги телефонларни ишлаб чиқарган. Samsung эса Aston Martin Galaxy Z Fold2 букламафонини тақдим этган бўлса, iQOO компанияси BMW билан ҳамкорликда чекланган сондаги смартфон ишлаб чиқарган. Шунингдек, Huawei ҳам Porsche Edition смартфонини тақдим этган эди.
Siemens SX1 Limited Edition
2003 йилда Siemens SX1 номли телефонни тақдим этган эди. Орадан бир йил ўтиб, 2004 йилги Формула1 мавсуми пойгаларида қатнашган McLaren MP4-19'дан илҳомланиб, SX1'нинг McLaren Edition'даги телефонни тақдим этди. Ушбу турдаги телефон 200 дона ишлаб чиқарилган.
Nokia 8800 Aston Martin Edition
8000 серияси Nokia'нинг премиум телефонлар серияси бўлиб, бу линейкадаги қурилмалар дизайни ажойиб кўринишда ишланган. 2006 йилда финлар ва британлар бирлашиб Nokia 8800 Aston Martin Edition телфонини тақдим этишган.
Aston Martin логотипи зангламайдиган пўлатдан ясалган телефон корпусига лазер ёрдамида туширилган. SX1'да бўлгани каби, ҳақиқий брендлар олдиндан ўрнатилган рақамли контентлар билан келади. Мисол учун, қурилмадаги қўнғироқ оҳангларидан бири бу — Aston Martin Vantage'нинг V8 двигателлининг ёзиб олинган товуши ҳисобланади. Шунингдек, телефонда кристалл тугмача бўлиб, бунинг функциясини билишингиз учун Aston Martin автомобилини ҳайдаб кўрган бўлишингиз керак.
Гаджетга хотирасига “қисқа ҳужатли фильм“ ёзилган бўлиб, у 64MB'лик хотирани деярли тўлиқ қисмини эгаллайди. Хотирани MicroSD билан кенгайтириш имконияти мавжуд эмас. Бундан келиб чиқиб турибдики, Nokia 8800 фақат чиройли дизайни билан мақтана олади.
Motorola RAZR maxx V6 Ferrari
Motorola RAZR maxx V6 Ferrari Challenge телефони 2007 йилнинг бошида тақдим этилган. Ferrari бу телефонларни олдиндан сотиб юборган, шунинг учун уни дўконлардан сотиб олишнинг иложи бўлмаган.
Ушбу девайснинг нархи 525 доллар (500 фунт) ни ташкил қилган ва оддий сериядагидан бироз нархи баландроқ бўлган. Телефоннинг устки қисмига Ferrari логотипи туширилган ва унинг хотирасида Ferrari автомобилининг расми ва мавзулари бўлади.
Land Rover S1
Sonim компанияси 2004 йилнинг ўрталарида автомобиль ишлаб чиқарувчи компания Land Rover билан ҳамкорлилда Land Rover ва Land Rover S2 G4 телефонлари ишлаб чиқарди.
Ҳаммага маълумки, Land Rover йўл танламас автомабилларни ишлаб чиқаради. Land Rover S1 телефони ҳам турли хил шароитларда ишлашга мўлжалланган. Ушбу гаджет IP67 (сув ва чангдан ҳимоя) даражасига эга бўлган дунёдаги биринчи GSM телефони бўлган.
Шунингдек, девайс бошқа тестлардан ҳам муваффақиятли ўтган. Телефон 2 метрлик баландликдан ташлаб юборилганда омон қолган. 30 дақиқа сув остида 400 кг босимга бардош бера олган. Бундан ташқари Land Rover S1 гаджети -20°C дан +55°C гача бўлган ҳароратда ҳам ишлай олган.
Телефонни лой кўлмакка ташлаб, устидан машинада босиб ўтилганда ҳам омон қолган. Ушбу гаджетнинг нархи 300 фунт стелингни ташкил қилади ва унга 3 йиллик кафолат берилади.
Қуйида Land Rover телефони синовдан ўтказилган видеони томоша қилишингиз мумкин:
